मेष राशि
आत्मीयजनसँग भेटघाट हुने सम्भावना छ । रोकिएका घरेलु कामकाज बिस्तारै पूरा हुँदै जानेछन् । महत्वाकांक्षी योजनालाई गोप्य राखेर अघि बढ्नु उपयुक्त हुनेछ । केही समय दोधारको अवस्था सिर्जना हुन सक्छ । पारिवारिक सहयोग प्राप्त हुनेछ । पुरानो रोगले सताउन सक्ने भएकाले स्वास्थ्य प्रति सचेत रहनु राम्रो हुन्छ ।
वृष राशि
भौतिक साधनमा समस्या आउनाले लक्ष्य प्राप्त गर्न कठिनाइ हुन सक्छ । अप्ठ्यारा परिस्थितिसँग सम्झौता गर्नुपर्दा मन खिन्न हुन सक्छ । कल्पना र भावनामा बढी केन्द्रित रहने समय छ । बोलीको विपरीत अर्थ लाग्न सक्ने भएकाले वाणीमा संयम राख्नु राम्रो हुन्छ । आर्थिक रूपमा राम्रो आम्दानी हुने संकेत देखिन्छ ।
मिथुन राशि
विगतको सफलताले थप काम गर्न उत्साह बढाउनेछ । नयाँ कामको प्रस्ताव प्राप्त हुने सम्भावना छ । प्रेरणा दिने व्यक्तिहरूसँग भेटघाट हुनेछ । बौद्धिक प्रतिस्पर्धामा सफलता प्राप्त हुनेछ र नयाँ ज्ञान हासिल गर्ने अवसर मिल्नेछ । बौद्धिक अभिव्यक्तिले ठूलो अवसर दिलाउन सक्छ । आम्दानीका स्रोत बढ्नुका साथै दीर्घकालीन लाभ प्राप्त हुने देखिन्छ।
कर्कट राशि
रचनात्मक काम सुरु गर्न अनुकूल समय छ । रमाइलो जमघटका बीच स्वादिष्ट भोजनको आनन्द लिन पाइनेछ । पशुपालन तथा कृषि क्षेत्रबाट राम्रो लाभ मिल्ने योग छ । पढाइ लेखाइमा प्रगति हुनेछ । विगतको सफलताले थप हौसला प्रदान गर्नेछ ।
सिंह राशि
केही समस्याले झमेला ल्याउन सक्छ । दाम्पत्य सम्बन्धमा पनि सानो असमझदारी बढ्न सक्ने सम्भावना छ । मेहनतले जीवनशैलीमा सकारात्मक परिवर्तन ल्याउन सक्छ । बौद्धिक व्यक्तिहरूलाई आकर्षित गर्ने काम गर्न सकिनेछ । काममा केही आलस्य देखिन सक्छ र खर्च पनि बढ्न सक्छ । व्यवसायमा लगानी बढाउनु पर्ने समय देखिन्छ ।
कन्या राशि
उद्योग तथा व्यापारमा सामान्य फाइदा मिल्नेछ । सहयोगीहरूले साथ नदिँदा केही समस्या देखिन सक्छ । जटिल काम सफलतापूर्वक सम्पन्न हुँदा उत्साह र आत्मविश्वास बढ्नेछ । व्यापारबाट विशेष लाभ लिन सकिनेछ । अध्ययनमा प्रगति हुनेछ र चिताएको काम पूरा हुने सम्भावना छ । विगतका कमजोरी सुधार्ने अवसर पनि प्राप्त हुनेछ ।
तुला राशि
तपाईंका विचारले धेरैलाई आकर्षित गर्ने समय छ । प्रशंसकहरू बढ्नेछन् र सहयोगीहरूले काममा साथ दिनेछन् । ठूलाबडाको आशीर्वादले रोकिएका काम पूरा हुन सक्छन् । विभिन्न उपहार प्राप्त हुने सम्भावना छ । सुन्दर पहिरनले व्यक्तित्व झन् निखार्नेछ र नयाँ काम गर्ने अवसर प्राप्त हुनेछ । रमाइलो जमघटको अवसर पनि मिल्न सक्छ ।
वृश्चिक राशि
परिवारमा केही असमझदारी बढ्न सक्छ । आमाबाट प्राप्त धनको सदुपयोगबाट लाभ उठाउन सकिनेछ । शरीरमा उत्साह र उमङ्ग रहनेछ । स्वास्थ्य सबल रहनेछ र काममा पनि फाइदाको योग देखिन्छ । मेहनतले सम्मानित स्थान दिलाउन सक्छ । अप्रत्याशित ठाउँबाट धन आर्जन हुने सम्भावनाले मन प्रसन्न रहनेछ ।
धनु राशि
चोरी वा ठगीको जोखिम भएकाले आर्थिक कारोबार गर्दा विशेष सजगता अपनाउनु आवश्यक छ । सामाजिक क्षेत्रमा नेतृत्व गर्ने अवसर प्राप्त हुनेछ । तपाईंका कामले धेरैको मन जित्न सक्नेछ । विशिष्ट व्यक्तित्वहरूसँग मित्रता बढ्नेछ । अरूलाई प्रभावित पारेर फाइदा लिन सकिने समय छ । भूमि तथा पैत्रिक सम्पत्तिको उपयोगबाट राम्रो लाभ प्राप्त हुन सक्छ ।
मकर राशि
गुरुजनको सहयोग र बुद्धिको उपयोगले लक्ष्य पहिचान गर्न मद्दत मिल्नेछ । प्रतिस्पर्धाले मेहनत गर्ने हिम्मत बढाउनेछ । आर्थिक पक्ष सुदृढ बन्नेछ । न्यायिक, कानुनी वा प्रतियोगितात्मक क्षेत्रमा सफलता प्राप्त हुने सम्भावना छ । विभिन्न उपहार प्राप्त हुने समय छ । प्रतिस्पर्धीलाई उछिन्दै आम्दानी बढाउन सकिनेछ ।
कुम्भ राशि
टाढिएका आफन्तहरू पुनः नजिकिनेछन् । घरमै बसेर विभिन्न काम सम्पन्न गर्न सकिनेछ । हाँसखेल र मनोरञ्जनपूर्ण समय बित्नेछ । पारिवारिक सुख मिल्नुका साथै अध्ययन अध्यापनमा प्रगति हुनेछ । सहयोगीहरूको साथले काममा अपेक्षित सफलता मिल्नेछ। कृषिकर्म र व्यवसायिक कार्यमा पनि लाभ हुने संकेत देखिन्छ ।
मीन राशि
अनावश्यक दौडधुपमा समय बित्न सक्छ । समयको गति सम्हाल्न नसक्दा केही असहजता महसुस हुन सक्छ । टाढाको वा दुर्गम स्थानको यात्राको सम्भावना देखिए पनि अनावश्यक यात्रा नगर्नु उपयुक्त हुन्छ । बोलीको प्रभाव बढ्नेछ र अभिव्यक्ति कलालाई निखार्ने अवसर प्राप्त हुनेछ ।
