श्रम संस्कृति पार्टीले टुङ्गो लगायो समानुपातिक सांसदहरुको नाम

काठमाडौँ । हर्क साम्पाङ नेतृत्वको श्रम संस्कृति पार्टीले प्रतिनिधि सभाको समानुपातिक तर्फ प्राप्त चार सिटका लागि सांसदहरुको नाम टुङ्गो लगाएको छ। पार्टीले तीन महिला र एक पुरुषलाई समानुपातिक सांसदका रुपमा सिफारिस गरेको जनाएको छ । पार्टी ले तीन महिला र एक पुरुषलाई समानुपातिक सांसदका रुपमा सिफारिस गरेको जनाएको छ।

पार्टी स्रोतका अनुसार आदिवासी महिला कोटाबाट हेटौँडाकी मन्दिरा मोक्तानलाई चयन गरिएको जनाइएको छ। त्यस्तै गरी खस आर्य महिला कोटाबाट अम्बिका सङ्ग्रौला र दलित महिला कोटाबाट सुर्खेतकी राधिका रम्तेललाई समानुपातिक सांसदका रुपमा सिफारिस गरिएको छ।

यस्तै पुरुषतर्फ भने आदिबासि/जनजाति समुहबाट पुर्ण लिम्बुको नाम सिफारिस गरिएको पार्टी स्रोतले जानकारी दिएको छ।

निर्वाचन प्रणाली अनुसार प्राप्त मतको आधारमा श्रम संस्कृति पार्टीले समानुपातिकतर्फ चार सिट पाएको छ । सोहि अनुसार पार्टीले विभिन्न समावेशी समूहलाई समेट्दै सांसदहरुको नाम तय गरेको जनाएको छ ।