सांसद सुधन गुरुङद्धारा सरकारी सुविधा अस्वीकार

काठमाडौँ । सुधन गुरुङले सांसद पदबाट प्राप्त हुने कुनै पनि सरकारी सुविधा नलिने घोषणा गरेका छन् । राष्ट्रिय स्वतन्त्र पार्टीका तर्फबाट प्रत्यक्षतर्फ निर्वाचित गुरुङले आफू जनताको सेवामा केन्द्रित रहने उद्धेश्यले यस्तो निर्णय लिएको बताएका हुन् ।

ललितपुरको ग्वार्को क्षेत्रमा आयोजित नवनिर्वाचित सांसदहरुको अभिमुखिकरण कार्यक्रममा सहभागी हुने क्रममा उनले राज्यबाट उपलब्ध गराइने तलब,भत्ता तथा अन्य सुविधा अस्वीकार गर्ने स्पष्ट पारे । त्यस्तै गरी सरकारी सवारी साधन प्रयोग नगरी आफ्नै निजी गाडी प्रयोग गर्नु उनको योजना रहेको छ ।

उनका अनुसार सार्वजनिक पदलाई सेवा र जिम्मेवारीको रुपमा लिनुपर्ने भएकाले व्यक्तिगत लाभ लिनु उपयुक्त नहुने ठहर गरेका हुन् । उनले आफ्नो निर्णयले अन्य जनप्रतिनिधिलाई पनि सादगी र पारदर्शितातर्फ प्रेरित गर्ने विश्वास व्यक्त गरे ।

नेपालमा सांसदहरुका लागी तलब भत्ता तथा विभिन्न सेवा सुविधाको व्यवस्था भए पनि सवारी सुविधा भने निश्चित पदमा रहेकाहरुलाई मात्र प्रदान गरिन्छ ।