ह्वात्तै घट्यो सुनचाँदीको मूल्य, कतिमा हुँदैछ कारोबार ?

काठमाडौं । नेपाली बजारमा आज सुनचाँदीको मूल्य ह्वात्तै घट्को छ । पछिल्ला केही दिनदेखि लगातार उकालो लागिरहेको सुनको मूल्य आज तोलामा ३ हजार ६ सय रुपैयाँले घटेको छ भने चाँदी पनि तोलामा रु १ सय ६५ रुपैयाँले घटेको हो । नेपाल सुनचाँदी व्यवसायी महासंघका अनुसार सुन प्रतितोला २ लाख ९४ हजार रुपैयाँमा कारोबार भइरहेको छ। बुधबार सुनको मूल्य तोलामा २ लाख ९७ हजार ६ सय रुपैयाँमा कारोबार भएको थियो ।

यस्तै, आज चाँदी प्रतितोला ४ हजार ७ सय ८० रुपैयाँमा कारोबार भइरहेको महासंघले जनाएको छ। बुधबार चाँदीको मुल्य तोलामा ४ हजार ९ सय ४५ रुपैयाँमा कारोबार भएको थियो ।