सेयर बजारप्रति अर्थमन्त्रीको सन्देशः नआत्तिनु,संयमता अपनाउनुस

काठमाडौँ । अर्थमन्त्री स्वर्णिम वाग्लेले पछिल्लो समय सेयर बजारमा अनावश्यक त्रास फैलाइएको बताएका छन् । उनले लागानीकर्तालाई नआत्तिन र धैर्यतापुर्व निर्णय लिन आग्रह गरेको गरेका छन् ।

अर्थनमन्त्रीले सरकारको लक्ष्य लगानीकर्तामाथि दबाब सिर्जना गर्ने नभई बजारलाई व्यस्थित बनाउने रहेको स्पष्ट पारे । गलत काम गर्नेहरुलाई मात्रै कानुनअनुसार कारबाही हुने र सबैलाई एकै प्रकारले व्यवहार नगर्ने उनले बताए ।

अर्थमन्त्री वाग्लेले नेपालको सेयर बजार पारदर्शी र डिजिटल प्रणालीमा आधारित रहेको उल्लेख गर्दै यसलाई विश्वसनीय क्षेत्रको रुपमा चित्रण गरे । त्यस्तै इन्साइडर ट्रेडिगं र बजार चलखेल जस्ता गतिविधि नियन्त्रण गर्न सरकार प्रतिबद्ध रहेको उनको भनाइ छ ।

उनले राष्ट्रिय पार्टीको नीतिले पनि लगानीमैत्री वातावरणलाई प्राथमिकता दिएको बताउँदै भविष्यमा बजार सुधारका थप कदम चालिने जानकारी दिए । त्यस्तैगरी ‘ग्रे लिस्ट’ बाट बाहिर ल्याउने काम पनि तीव्र रुपमा अघि बढिरहेको उनले उल्लेख गरे ।