गर्मीलाई मात दिन सीजी ब्रान्डको ‘मास्टरस्ट्रोकु’ : नयाँ “फ्रोस्टलाइन” कुलर लाइनअप सार्वजनिक

काठमाडौँ। नेपालको सर्वाधिक विश्वासिलो ब्रान्ड सिजीले यस वर्षको प्रचण्ड गर्मीलाई लक्षित गरी आफ्नो डेजर्ट कुलर श्रेणीमा अहिलेसम्मकै अत्याधुनिक र शक्तिशाली रेन्ज ‘फ्रोस्टलाइन’ बजारमा ल्याएको छ। कम्पनीको नयाँ वार्षिक अभियान ”एक्सपेरियन्स लाइफ विथ सीजि” अन्तर्गत सार्वजनिक गरिएको यो नयाँ सिरिजले नेपाली उपभोक्तालाई गर्मीको कष्टबाट राहत दिँदै एक आरामदायी र शीतल जीवनको अनुभव गराउने लक्ष्य राखेको बताइएको छ।

सीजीले यस वर्ष ग्राहकहरूको अत्यधिक माग र आधुनिक घरहरूको आवश्यकतालाई ध्यानमा राख्दै आफ्नो डेजर्ट कुलर पोर्टफोलियोमा बिल्कुलै नयाँ फ्रोस्टलाइन रेन्ज थप गरेको जनाएको छ। यसका प्रमुख आकर्षणहरू यस प्रकार छन्ः

१.विशाल ट्याङ्की (फ्रोस्टलाइन ११० लिटर र ९५ लिटर): बजारमा उपलब्ध कुलरहरूमध्ये सबैभन्दा ठूलो क्षमता, जसले पटक–पटक पानी भर्ने झन्झटलाई सदाका लागि अन्त्य गर्दछ।
२.मिड–रेन्ज मास्टर (फ्रोस्टलाइन ७५ लिटर र ५५ लिटर): सानो र मध्यम कोठाहरूमा शक्तिशाली कुलिङका साथै कम बिजुली खपत गर्ने पारिवारिक रोजाइ।

कम्पनीका अनुसार, नेपाली बजारमा सीजीका कुलरहरू आफ्नो कार्यक्षमता र टिकाउपनका कारण विगतदेखि नै अत्यन्तै लोकप्रिय हुनुका साथै सीजीले ग्राहकको फरक–फरक आवश्यकतालाई ध्यानमा राख्दै डेजर्ट कुलर, कमर्सियल कुलर, पर्सनल कुलर, टावर कुलर र विन्डो कुलर गरी ५ विधामा कुल २८ वटा मोडलहरू बजारमा उपलब्ध गराएको छ। यी कुलरहरू २२ लिटरदेखि १२५ लिटर सम्मको विशाल क्षमतामा उपलब्ध रहेका छन् भने नेपाली बजारले पहिलेदेखि नै यी २८ वटै मोडलहरूलाई अत्यन्तै रुचाएको र विश्वास गरेको जनाइएको छ। यस वर्ष डेजर्ट कुलरमा थपिएको नयाँ फ्रोस्टलाइन रेन्जले सीजीको कुलर पोर्टफोलियोलाई अझै मजबुत र पूर्ण बनाएको कम्पनीको विश्वास रहेको छ।

मुख्य प्रविधि र विशेषताहरू
१.डबल बल बेरिङ मोटरः शक्तिशाली र टिकाउ मोटर जसले लामो समयसम्म बिना कुनै अवरोध शान्त र प्रभावकारी कुलिङ प्रदान गर्दछ।
२.आइस च्याम्बरः थप चिसो हावाका लागि विशेष बरफ राख्ने सुविधा।
३.एड्भान्स्ड हनीकम्ब प्याडः उच्च घनत्व भएको प्याडले लामो समयसम्म चिसोपन कायम राख्छ।
४.शक्तिशाली एयर थ्रोः कोठाको प्रत्येक कुनासम्म चिसो हावा पुर्‍याउने उच्च गतिको फ्यान।

नेपाली बजारमा ४० वर्षभन्दा बढी समयदेखि विश्वसनीय तथा गुणस्तरीय उत्पादनहरू उपलब्ध गराउँदै आएको सिजी इलेक्ट्रोनिक्सले देशभर रहेका २१ वटा आधुनिक शोरुमहरू र ४० वटा सेवा केन्द्रहरूमार्फत बिक्रीपछिको उत्कृष्ट सेवा सुनिश्चित गर्दै आएको कम्पनीले जनाएको छ।