गर्मीको मौसमलाई लक्षित गर्दै सीजीले सार्वजनिक गर्यो नयाँ प्रिमियम स्ट्यान्ड फ्यान

काठमाडौँ । बढ्दो गर्मीलाई ध्यानमा राख्दै सीजी इलेक्ट्रोनिक्सले नेपाली बजारमा नयाँ स्ट्यान्ड फ्यान सार्वजनिक गरेको छ । कम्पनीले मेरिडिया सिरिज अन्तर्गत नयाँ उच्च क्षमता भएको नयाँ मोडल सार्वजनिक गर्दै यो सेग्मेन्टमा मोडल संख्या तीन पुर्याएको बताएको छ ।

कम्पनीका अनुसार, नयाँ मोडल १८ इन्च साइजमा उपलब्ध छ र उच्च कार्यक्षमता दिने उद्धेश्यले डिजाइन गरिनुका साथै यसमा मजबुत र भरपर्दो मोटर प्रयोग गरिएको छ भने जसले लामो समयसम्म निरन्तर सञ्चालन गर्न सजिलो बनाउछ । १५५० आरपीएमको उच्च गति,पाँचवटा एल्मुनियम ब्लेड,चार स्पीड सेटिङ र फराकिलो ओसिलेसन जस्ता विशेषताले ठूलो कोठा वा हलमा पनि समान रुपमा हावा फैलाउने क्षमता  दिनुका साथै मोटरमा दुई वर्षको वारेन्टी  दिने जनाइएको छ ।

कम्पनीले प्रिमियम वर्गका लागि मेरिडिया सिरिज (३ सिरिज) उपलब्ध गराएको छ भने आम प्रयोगकर्ताका लागि किफायती स्ट्यान्ड फ्यानका ९ मोडल बजारमा ल्याएको बताएको छ । यी फ्यानहरु घरदेखि कार्यालयसम्म दैनिक प्रयोगका लागि उपयुक्त हुने  र औद्योगिक प्रयोग वा ठुलो क्षेत्रका लागि उच्च क्षमतायुक्त (फर्राट) फ्यानका ३ मोडल पनि उपलब्ध रहेको जनाइएको छ ।

कम्पनीका अनुसार, अहिले बजारमा उपलब्ध यसको कुल १५ मोडलहरुले फरक फरक आवश्यकता पूरा गर्ने लक्ष्य राखेका छन् । उपभोक्ताले आफ्ना आवश्यकता र बजेटअनुसार सजिलै छनोट गर्न सक्ने बताइएको छ ।

उपलब्धताको हिसाबले देशभर रहेका २८ भन्दा बढी शोरुम,आधिकारिक बिक्रेता सञ्जाल र अनलाइन प्लेटफर्ममार्फत ग्राहकले सजिलै यी उत्पादन खरिद गर्न सक्नेछन् । त्यस्तैगरी बिक्रिपछिको सेवामा पनि कम्पनीले ध्यान दिइनुका साथै जसका लागि ४० भन्दा बढी सेवा केन्द्रमार्फत प्राविधक सहयोग उपलब्ध गराउँदै आएको कम्पनीको दाबी छ ।