चितवन अटो शो २०२६ मा फोटोनको विशेष अफर : ईभी भ्यानदेखि पिकअपसम्म आकर्षक छुट

काठमाडौँ । फोटोन नेपालको आधिकारिक वितरक एमएडब्लू वृद्धि कमर्सियल भेहिकल्स प्रा. लि. ले चितवन अटो शो २०२६ लाई लक्षित गरी विशेष अफर सार्बजनिक गरेको छ । कम्पनी आजदेखि वैशाख २१ सम्म भरतपुरस्थित चितवन एक्स्पो सेन्टरको हल नं. ०३ (कमर्शियल) को स्टल नं. ०३ मा सहभागी हुनेछ। ईभी भ्यान, टिएम१ र पिकअप सेग्मेन्टमा इभेन्ट-विशेष अफरसहित फोटोन नेपालले यस वर्षको शोमा सबैभन्दा चर्चित कमर्शियल मोबिलिटी गन्तव्य बन्ने लक्ष्य राखेको बताइएको छ।

फोटोनको स्टलमा आउने आगन्तुकहरूले विभिन्न सवारी साधनहरूको आकर्षक रेन्ज अवलोकन गर्न सक्नेछन्, जसमा यस इभेन्टमै मात्र उपलब्ध हुने विशेष अफरहरू समावेश रहेको जनाइएको छ ।  फोटोन हाइ रूफ ईभी भ्यान (CADA  मूल्य : रु. ५३ लाख ४९ हजार ) र लो रूफ ईभी भ्यान (CADA मूल्य : रु. ४८ लाख ४९हजार ) सँग फ्यामिली रिट्रीट प्याकेज, ५५ इन्च एलईडी टिभी, नगद रेफरल बोनस तथा आकर्षक गिफ्ट ह्याम्परहरू उपलब्ध छन्। सोकोन ईभी भ्यान (CADA मूल्य : रु. ३९ लाख ९९ हजार ) मा पनि यिनै सुविधाहरू समावेश छन्। यी तीनै ईभी मोडलहरूमा वास्तविक नगद छुट भने कार्यक्रममै सार्वजनिक गरिने बताइएको छ, स्टल नं. ०३ मा आउने आगन्तुकहरूका लागि थप उत्साह र उत्सुकता बढाउने जनाइएको छ।

बहुउपयोगी सवारी साधन खोज्ने ग्राहकहरूका लागि फोटोन टिएम१ (CADA मूल्य : रु. २८लाख ४९ हजार ) मा आकर्षक नगद छुट र गिफ्ट ह्याम्पर उपलब्ध छन्, जसको अन्तिम छुट पनि कार्यक्रममै घोषणा गरिने बताइएको छ। त्यस्तै, फोटोन पिकअपमा पहिलो वर्षका लागि शून्य प्रतिशत ब्याजदरको सुविधा र आकर्षक गिफ्ट ह्याम्परहरू उपलब्ध छन्, जसले व्यवसायी तथा उद्यमीहरूका लागि प्रारम्भिक लगानीको भार कम गर्दै भरपर्दो कमर्शियल गाडी किन्न सहज बनाउने कम्पनीको दाबी छ ।

कम्पनीका अनुसार, यी अफरहरूको पछाडि एमएडब्लू वृद्धिको देशव्यापी नेटवर्कको भरोसा र पहुँच रहनुका साथै फोटोनका ग्राहकहरूले १७१ भन्दा बढी ईभी चार्जिङ स्टेशन, १४ भन्दा बढी आउटलेट भएको अफ्टर-सेल्स सर्भिस नेटवर्क, जेन्युइन स्पेयर पार्ट्सको उपलब्धता, लचिलो फाइनान्सिङ सुविधा तथा देशभरको सहज पहुँचबाट दीर्घकालीन स्वामित्वमा आत्मविश्वास पाउने छन्।

फोटोन नेपालले चितवन तथा आसपासका उद्यमी, परिवार, फ्लिट अपरेटर र कमर्शियल ग्राहकहरूलाई स्टलमा आएर इभेन्टमा उपलब्ध विशेष मूल्यबारे जानकारी लिनआग्रह गरेको छ। चीनको नम्बर १ कमर्शियल भेहिकल ब्रान्डको प्रतिनिधित्व गर्दै फोटोन नेपाल चितवनको यस वर्षकै सबैभन्दा ठूलो अटोमोटिभ कार्यक्रममा भविष्य-उन्मुख मोबिलिटी सोलुसन्स प्रस्तुत गर्न तयार  रहेको कम्पनीले बताएको छ।

एमएडब्लू वृद्धि कमर्सियल नेपालमा कमर्शियल सवारी साधन आपूर्तिकर्ता हो, जसले उत्कृष्ट मोबिलिटी सोलुसन्स विकास र उपलब्ध गराउने लक्ष्य राखेको जनाइएको छ। कम्पनी फोटोन सवारी साधनको आधिकारिक वितरक हो र विश्वसनीयता तथा प्रदर्शनमा केन्द्रित रहँदै ग्राहक सन्तुष्टि सुनिश्चित गर्न प्रतिबद्ध रहेको बताइएको छ। कम्पनीका अनुसार, देशभर फैलिँदै गएको शोरुम र सर्भिस सेन्टरहरूको नेटवर्कमार्फत कम्पनीले उच्च गुणस्तरका सवारी साधन तथा विश्वस्तरीय अफ्टर-सेल्स सर्भिस प्रदान गर्दै व्यवसायिक क्षेत्रलाई सहयोग गरिरहेको  छ।