काठमाडौं । सिजी इलेक्ट्रोनिक्सले विश्वप्रसिद्ध घरेलु उपकरण ब्रान्ड माइडिया अन्तर्गतका नयाँ तथा आधुनिक फ्यानहरुको श्रृंखलाले नेपाली बजारमा सार्वजनिक गरेको छ ।
कम्पनीका अनुसार नेपालको बढ्दो गर्मी र अनियमित तापक्रमलाई ध्यानमा राखेर ल्याइएको यो नयाँ फ्यानले घर, कार्यालय तथा अन्य कार्यस्थलमा सहज र आरामदायी वातावरण उपलब्ध गराउने लक्ष्य राखेको छ । उच्च गुणस्तरको कपर मोटर जडान गरिएकाले यी फ्यानहरु टिकाउ,स्थिर कार्यसम्यादनयुक्त तथा कम विद्युत खपत हुने कम्पनीले जनाएको छ । न्युन आवाजमा सञ्चालन हुने भएकाले शान्त वातावरण कायम राख्न पनि सहयोग पुग्ने बताइएको छ ।
नयाँ श्रृंखलाअन्तर्गत ‘माइडिया एफडब्लु४५-२५एम’ भित्तामा जडान हुने वाल फ्यान हो भने यसमा शक्तिशाली एयरफ्लो , अक्सिलेशन फङ्सन, पुल-कर्ड कन्ट्रोल, तीन स्पीड सेटिङ तथा पाँचवटा एबीएस ब्लेड समावेश गरिएको जनाइएको छ । यसले हावाको प्रवाहलाई प्रभावकारी बनाउनुका साथै दीर्घकालीन टिकाउपन सुनिश्चित गर्ने कम्पनीको दाबी छ ।
त्यस्तै ‘माइडिया एफएस४५-२५एमटी’ उचाइ मिलाउन सकिने स्टयान्ड फ्यान रहेको बताइएको छ । यसमा शक्तिशाली एयरफ्लो , अक्सिलेशन फङ्सन, तीन स्पीड सेटिङ पाँचवटा एबीएस ब्लेड जडान गरिनुका साथै घर तथा कार्यालय दुवैका लागि उपयुक्त र व्यावहारिक विकल्पका रुपमा यसलाई प्रस्तुत गरिएको कम्पनीले जनाएको छ ।
प्रिमियम श्रेणीको ‘माइडिया एफएस४०-१३किउआरए’ मा १.८लिटर क्षमताको पानी टयाङकी, ३६० डिग्री स्प्रे नोजल, आयन जेनेरेटर, आठ घण्टासम्मको टाइमर तथा रिमोट कन्ट्रोल सुविधा रहनुका साथै यसमा नर्मल, नेचर र साइलेंट मोड समावेश गरिएकाले आवश्यकता अनुसार प्रयोग गर्न सकिने कम्पनीको भनाइ छ ।
कम्पनीका अनुसार, उच्च गतिको लागि तयार गरिएको ‘माइडिया एफएस४०-१३पिजी’ मा तीनवटा एबीएस ब्लेड, तीन स्पीड सेटिङ, अक्सिलेशन फङ्सन उच्च गुणस्तरको कपर मोटर प्रयोग गरिएको छ । बढी एयर स्पीड र एयर भोल्युमका कारण ठुलो कोठा वा बढी गर्मी हुने स्थानका लागि यो उपयुक्त हुने कम्पनीको विश्वास रहेको छ ।
नयाँ श्रृंखलामा आधुनिक डिजाइन र प्रयोगमैत्री प्रविधिको सन्तुलित संयोजन गर्नुका साथै प्रत्येक मोडलमा दैनिक प्रयोगलाई सहज बनाउने विशेषताहरु समेटिएकाले उपभोक्तालाई दीर्घकालीन र भरपर्दो कुलिङ समाधान उपलब्ध हुने अपेक्षा गरिएको बताइएको छ ।
सिजी इलेक्ट्रोनिक्सका अनुसार नेपाली उपभोक्तालाई विश्वस्तरीय प्रविधि र गुणस्तरक उपलब्ध गराउने प्रतिबद्धताअनुसार माइडियाको यो नयाँ फ्यान श्रृंखला बजारमा ल्याइएको हो । बढ्दो तापक्रम र परिवर्तनशील जीवनशैलीबीच यसले चिसोपनसँगै विश्वास, दक्षता र आधुनिकताको अनुभव प्रदान गर्ने कम्पनीले जनाएको छ ।
