काठमाडौं । चौधरी ग्रुपअन्तगर्त सिजी इलेक्ट्रोनिक्सद्वारा सञ्चालित सिजी डिजिटलले नेपाली उपभोक्ताको बदलिँदो आवश्यकता, प्रविधिप्रतिको आकर्षण र सुविधामैत्री जीवनशैलीलाई केन्द्रमा राख्दै स्मार्ट किनमेल संस्कृतिलाई नयाँ आयाम दिएको छ ।
समयको अभाव, सुविधाप्रतिको बढ्दो अपेक्षा र प्रविधिप्रतिको आकर्षणसँगै उपभाक्ताहरु अब केवल उत्पादन मात्रै होइन, सहज निर्णय प्रक्रिया र भरपर्दो समाधान खोज्न थालेका छन् । सिजी डिजिटलले यही परिवर्तनलाई आत्मसात गर्दै आधुनिक र व्यवस्थित किनमेल अनुभव प्रदान गर्ने प्रयास गरिरहेको जनाएको छ ।
परम्परागत रुपमा घरायसी उपकरण खरिद प्रक्रिया समय लाग्ने र झन्झटपुर्ण मानिन्थ्यो । एउटै उत्पादनका लागि विभिन्न पसल धाउनुपर्ने, मुल्य तथा गुणस्तर तुलना गर्न कठिन हुने र पर्याप्त जानकारीको अभावमा निर्णय लिन समस्या हुने अवस्था अहिले पनि धेरै उपभोक्ताले अनुभव गर्दै आएका छन् । तर पछिल्लो समय उपभोक्ताहरु पारदर्शी, व्यवस्थित र एकीकृत किनमेल अनुभवतर्फ आकर्षित हुन थालेका छन् ।
कम्पनीका अनुसार, यही आवश्यकतालाई ध्यानमा राख्दै सिजी डिजिटलले एकै छानामुनि बहु-ब्रान्ड उत्पादन उपलब्ध गराउँदै किनमेल प्रक्रियालाई सहज, स्पस्ट र विश्वसनीय बनाएको छ । हाल देशभर सञ्चालनमा रहेका २८ वटा सिजी डिजिटल तथा एलजी ब्रान्ड सप शोरुम मार्फत एलजी, सिजी, टिसिएल, गोदरेज, माइडिया, क्रम्प्टन, बेको, सेन्साइ, केन्ट, एलिका, सिजी मेरिडिया, ब्ल्याकं डेकर र बर्ली जस्ता ब्रान्डका उत्पादनहरु उपलब्ध रहेको बताइएको छ । त्यस्तै, नथिङ ,मोटोरोला र एआई जस्ता मोबाइल ब्रान्डहरु पनि एउटै प्लेटर्फममा उपलब्ध रहेको जनाइएको छ ।
कम्पनीका अनुसार, बहु-ब्रान्ड उपस्थितिले उपभोक्तालाई आफ्नो आवश्यकता,बजेट र प्राथमिकताअनुसार सहज रुपमा उपयुक्त विकल्प छनोट गर्ने अवसर दिएको छ । यसले गुणस्तर, प्रामाणिकता र र्दीर्घकालीन विश्वास निर्माणमा समेत सहयोग पुर्याएको कम्पनीको दाबी छ ।
सिजी डिजिटलले किनमेललाई केवल उत्पादन खरिदमा सीसमत नराखी समग्र ग्राहक अनुभवमा रुपान्तरण गर्ने लक्ष्य राखेको जनाएको छ । सहज छनोट प्रक्रिया, स्पष्ट जानकारी, ग्राहक-केन्द्रित सेवा, घरमै नि:शुल्क डेलिभरी तथा बिक्रीपछिको सेवाप्रतिको प्रतिबद्धताले उपभोक्ताको समय बचत गर्नुका साथै किनमेललाई झन्झटमुक्त बनाइरहेको कम्पनीको भनाइ छ ।
नेपालभर विस्तार हुँदै गएको सिजी डिजिटलको नेटर्वकले आधुनिक खुद्रा व्यापार अब सीमित शहरी क्षेत्रमै मात्र केन्द्रित नरही देशभर फैलिँदै गएको संकेत गरेको छ । यसले ग्रामीण तथा अर्ध-शहरी क्षेत्रका उपभोक्तालाई समेत गुणस्तरीय र संगठित किनमेल अनुभवसँग जोड्ने अवसर सिर्जना गरेको देखिन्छ ।
