काठमाडौं । नेपाल सरकार अन्तर्गतको सञ्चार तथा सुचना प्रविधि मन्त्रालयले नेपाल दुरसञ्चार प्राधिकरणको रिक्त अध्यक्ष तथा सदस्य पदका लागि दरखास्त आव्हान गरेको छ ।
मन्त्रालयले सार्वजनिक सुचना जारी गर्दै प्राधिकरणको नेतृत्व तथा सञ्चालक समितिका रिक्त पदमा नयाँ नियुक्ति प्रक्रिया सुरु भएको जनाएको छ।
सुचनाअनुसार प्राधिकरणमा एकजना अध्यक्ष र चारजना सदस्य चयन गरिनेछ । इच्छुक तथा योग्य नेपाली नागरिकले २०८३ साल जेठ ५ गते कार्यालय समयभित्र आवेदन पेश गर्न सक्नेछन् ।
आवेदनका लागि आवश्यक न्युनतम योग्यता ,दरखास्त फाराम तथा आवश्यक कागजातसम्बन्धी विस्तृत विवरण मन्त्रालयको आधिकारीक वेबसाइटमा उपलब्ध रहेको जनाइएको छ ।
