आइतबार २५ अर्बमाथि भुक्तानी, अन्तिम दिनसम्म ८५.८ प्रतिशत बजेट खर्च

काठमाडौं । देशैभरका कोष तथा लेखा नियन्त्रक कार्यालय तथा प्रदेश लेखा नियन्त्रक कार्यालय र स्थानीय तहको भुक्तानी प्रणाली आज आइतबारदेखि बन्द हुने जनाइएको छ ।

आइतबारदेखि चालु आर्थिक वर्षको बजेट खर्च रोकिने भएपछि आज ठूलो भुक्तानी भएको हो । महालेखा नियन्त्रक कार्यालयले आजै मात्र २५ अर्ब ५५ करोड ८६ लाख रुपैयाँ सरकारी कोषबाट भुक्तानी भएको जनाएको छ । सो भुक्तानी चालु, पुँजीगत र वित्तीय व्यवस्थापन गरी कूल ३ ठाउँबाट गरिएको छ । जसमध्ये चालु खर्च तर्फ १० अर्ब ५८ करोड ४१ लाख रुपैयाँ, पूँजीगत तर्फ १४ अर्ब ७२ करोड ७४ लाख रुपैयाँ र वित्तीय व्यवस्थापनतर्फ २४ करोड ७१ लाख रुपैयाँ भएको छ ।

नेपाल सरकारले चालु आर्थिक वर्षका लागि कुल १६ खर्ब ३२ अर्ब ८२ करोड ९२ लाख रुपैयाँ बजेट बिनियोजन गरेको थियो । अन्तिमसम्ममा जम्मा कुल १२ खर्ब ३७ अर्ब ७० करोड १० लाख रुपैयाँ खर्च गर्न सकेको छ । जुन कुल बजेटको ८५.८ प्रतिशतको खर्च रहेको छ ।