नेप्से परिसूचकमा १९.६७ अंकको गिरावट

काठमाडौं । साताको अन्तिम कारोबार दिन बिहीबार नेपाल स्टक एक्सचेञ्ज (नेप्से) परिसूचक १९.६७ अंकले घटेर २६०१.९२ बिन्दुमा झरेको छ। आज ३६१ कम्पनीका ८७ लाख ५१ हजार कित्ता शेयर खरिद–बिक्री हुँदा कुल ४ अर्ब ६१ करोड १९ लाख रुपैयाँ बराबरको कारोबार भएको नेप्सेले जनाएको छ।

कारोबारका क्रममा १३ वटै उपसूचक ओरालो लागेका छन्। वाणिज्य बैंक समूह ०.५० प्रतिशत, विकास बैंक समूह १.११ प्रतिशत र फाइनान्स समूह ०.६२ प्रतिशतले घटेका छन् भने अन्य सबै समूह पनि नकारात्मक रहेका छन्।

आजको कारोबारमा ४२ कम्पनीको शेयर मूल्य बढ्दा २२९ कम्पनीको मूल्य घटेको छ। यस्तै, ६ कम्पनीको शेयर मूल्य भने स्थिर रहेको छ। बजारमा अधिकांश कम्पनीको मूल्य घटेसँगै लगानीकर्ताको मनोबल कमजोर देखिएको छ।