सुनको मूल्यमा उच्च वृद्धि, कतिमा हुँदैछ कारोबार ?

काठमाडौं । नेपाली बजारमा आज सुनको मूल्यमा उल्लेख्य वृद्धि भएको छ। नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला ४ हजार २ सय रुपैयाँले बढेर २ लाख ८८ हजार रुपैयाँ पुगेको छ।

मंगलबार सुनको मूल्य प्रतितोला रु दुई लाख ८३ हजार ८ सय रुपैयाँमा कारोबार भएको थियो । महासंघका अनुसार आज १० ग्राम छापावाल सुनको मूल्य २ लाख ४६ हजार ९१५ रुपैयाँ कायम भएको छ।

यस्तै, चाँदीको मूल्य पनि बढेको छ। आज चाँदी प्रतितोला ९५ रुपैयाँले वृद्धि हुँदै ४ हजार ४ सय ७५ रुपैयाँमा कारोबार भइरहेको महासंघले जनाएको छ। मंगलबार चाँदी प्रतितोला रु चार हजार ३ सय ८० मा कारोबार भएको थियो ।

अन्तर्राष्ट्रिय बजारमा सुनको मूल्यमा आएको उतारचढाव तथा विनिमय दरमा भएको परिवर्तनका कारण नेपाली बजारमा पनि सुन र चाँदीको मूल्य बढेको व्यवसायीहरूले बताएका छन्।