सुन-चाँदीको मूल्यमा वृद्धि, कतिमा हुँदैछ कारोबार ?

काठमाडौं । नेपाली बजारमा आज सुनको मूल्य पुनः बढेको छ। सुनको मूल्य प्रतितोला ९०० रुपैयाँले वृद्धि भएको हो। नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ९६ हजार ९०० रुपैयाँमा कारोबार भइरहेको छ। बिहिबार सुनको मूल्य प्रतितोला २ लाख ९६ हजार रुपैयाँमा कारोबार भएको थियो ।

त्यस्तै, १० ग्राम सुनको मूल्य २ लाख ५४ हजार ५४५ रुपैयाँ निर्धारण गरिएको छ। यता, चाँदीको मूल्य पनि सामान्य वृद्धि भएको छ। आज चाँदी प्रतितोला १० रुपैयाँले बढेर ४ हजार ५८० रुपैयाँमा खरिदबिक्री भइरहेको महासंघले जनाएको छ। बिहिबार चाँदीको मूल्य ४ हजार ५ सय ७० रुपैयाँमा कारोबार भएको थियो ।

अन्तर्राष्ट्रिय बजारमा बहुमूल्य धातुको मूल्यमा देखिएको उतारचढावसँगै नेपाली बजारमा पनि सुन–चाँदीको मूल्य दैनिक रूपमा परिवर्तन हुँदै आएको छ।