मातेकी नातिनीले हजुरआमा कुटिन्

काठमाडौं। ८१ वर्षकी हजुरआमासँग नारी दिवसका दिन रक्सी पिउन पैसा माग्दा हजुरआमाले नदिएपछि नातिनीले हजुरआमालाई मरणासन्न हुनेगरी कुटेकी छिन् । रुसकी इरिना वासिल्येभा नामकी २५ वर्षकी नातिनी मोडल हुन् । उनलाई पक्राउ गरिएको छ र यदि उनी यो आरोपमा दोषी ठहरिइन् भने उनलाई ८ वर्षसम्म जेल सजाय हुन सक्छ ।

पीडित अलेभ्तिना बोग्दानोभा आक्रमणपछि अहिले अस्पतालमा मृत्युसँग संघर्ष गरिरहेकी छिन् । रिपोर्टका अनुसार रक्सीले मातेकी ती मोडलले हजुरआमासँग पैसा मागेकी थिइन् तर सेन्ट पिटसबर्गमा प्राध्यापक र रक्तसंचार विशेषज्ञ रहेकी अलेभ्तिनाले भने पैसा दिन अस्वीकार गरेकी थिइन् । त्यसपछि मोडलले हजुरआमालाई हिर्काइन् जसका कारण उनी भुइँमा लडिन् । उनको आँखामा चोट लागेको छ, टाउकोमा भित्री चोट छ र खोपडी फुटेको छ ।

द सनका अनुसार एक पुलिस प्रवक्ताले भने ‘रक्सीले मातेकी एक नागरिकले झगडाका क्रममा आफ्नी हजुरआमाको टाउकोमा हातले कैयौं पटक प्रहार गरेको स्थापित भएको छ ।’ वासिल्येभाले पनि डा. बोग्दानोभालाई हिर्काएको स्वीकार गरेकी छिन् । स्रोतका अनुसार ती मोडलले महामारीका क्रममा काम गुमाउकी थिइन् र उनीसँग पैसाको अभाव भएको थियो । उनले अन्तर्राष्ट्रिय नारी दिवस मनाउनको लागि रक्सी किन्न हजुरआमासँगबाट पैसा लिने प्रयास गरेकी थिइन् ।