स्कुल बसको चालक मापसे चेकपछि कारबाही..

काठमाडौं । ट्राफिक प्रहरीले मादक पदार्थ सेवन(मापसे) गरी स्कुल बस चलाउने चालकलाईकारबाही गरेको छ ।

आइतबार बिहान काठमाडौँका विभिन्न ठाउँबाट मापसे गरेर स्कुल बस चलाउने विभिन्न स्कुलका पाँचवटा चालकलाई कारबाही गरेको ट्राफिक प्रहरीले जनाएको छ । यस्तै ट्राफिक नियम पालना नगर्ने १६ वटा स्कुल बसका चालक कारबाहीमा परेका छन् ।

चेकजाँचका क्रममा मापसे गरेको पाइएपछि उनीहरूलाई नियन्त्रणमा नियन्त्रणमा लिएर कारबाही गरिएको काठमाडौँ उपत्यका ट्राफिक प्रहरी कार्यालयका प्रवक्ता एसएसपी राजेन्द्रप्रसाद भट्टले जानकारी दिएका छन् । स्कुल बस चेकजाँच अभियानलाई निरन्तर संञ्चालन गरिने प्रवक्ता भट्टले जानकारी दिएका छन् । स्कुल बस निर्देशिका २०७४ विपरीत ट्राफिक नियम उल्लंघन गर्ने सवारी साधनलाई ८ साउनदेखि कारबाही तथा सचेतना अभियान थालिएको हो ।