आज सेयर बजार उकालो यात्रा

काठमाडौं । नेपाल स्टक एक्सचेञ्जका अनुसार आज  मंगलबार  सेयर कारोबार मापक नेप्से परिसूचक १५.९२ अंकले बढेर १८३१.०५ विन्दुमा पुगेको छ । नेप्से ०.८८ प्रतिशतले बढेको हो । यता सेन्सेटिभ परिसूचक पनि २.५४ अंकले बढेर ३५८.१४ विन्दुमा पुगेको छ ।लगातारको गिरावटपछि आज (मंगलबार) सेयर बजारले उकालो यात्रा तय गरेको छ । नेप्से परिसूचक दोहोरो अंकले बढेको छ । कारोबार रकम भने अघिल्लो दिनको तुलनामा घटेको छ ।

कूल २२९ वटा कम्पनीको २१ लाख ७ हजार ७ सय ४२ कित्ता सेयर खरिदबिक्री हुँदा ६६ करोड ३० लाख १३ हजार रूपैयाँ बराबरको कारोबार भएको नेप्सेले जनाएको छ । स्टकका अनुसार कारोबार भएका कूल १३ उपसमूहमध्ये आज म्युचुअल फण्ड र होटल तथा पर्यटनबाहेक बाँकी सबै उपसमूहको सेयर बढेको छ । सबैभन्दा धेरै विकास बैंक समूह बढेको छ ।

मंगलबार रिडी पावर कम्पनी लिमिटेडको सर्वाधिक कारोबार भएको छ । कम्पनीको २ करोड ८५ लाख ३१ हजार रूपैयाँ बराबरको कारोबार भएको हो ।आज सामुदायिक लघुवित्त वित्तीय संस्था लिमिटेडको सेयरमूल्य सबैभन्दा धेरै बढेको छ । संस्थाको सेयरमूल्य ९.९७ प्रतिशतले बढेर एक हजार ३ सय ८ रूपैयाँ ९० पैसा पुगेको छ ।

यस दिन गरिमा डिबेञ्चर २०८५ को मूल्यमा नकारात्मक सर्किट लागेको छ । उक्त डिबेञ्चरको मूल्य १० प्रतिशतले घटेर ८ सय १० रूपैयाँ ९० पैसामा झरेको छ ।