भेस्पाको नयाँ १५० सीसी स्कुटर असोज २६ गते सार्वजनिक हुँदै

काठमाडौं । नेपालमा भेस्पा स्कुटरको आधिकारिक वितरक डेल्टा अटोकर्प प्रा.लि.ले २०८३ असोज २६ गते (अक्टोबर १२, २०२६) नयाँ १५० सीसी भेस्पा स्कुटर सार्वजनिक गर्ने तयारी गरेको छ। उक्त स्कुटर कम्पनीको काठमाडौंस्थित त्रिपुरेश्वर शोरुममा सार्वजनिक गरिने जनाइएको छ।

आगामी कार्यक्रमसँगै नेपालमा भेस्पाको स्कुटर सूचीमा थप एउटा मोडल जोडिनेछ भने भेस्पाको छुट्टै इटालियन डिजाइन र राइडिङ अनुभव रोज्ने ग्राहकहरूका लागि यसले थप विकल्प ल्याउनेछ। आफ्नो चिनिने स्टाइल र कालजयी आकर्षणका कारण भेस्पाले नेपालको स्कुटर बजारमा आफ्नो उपस्थिति कायम राख्दै आएको बताएको छ।

आगामी सार्वजनिकीकरणबारे टिप्पणी गर्दै डेल्टा अटोकर्प प्रा.लि.का निर्देशक तथा प्रमुख कार्यकारी अधिकृत विजय के.महतोले भने, ”भेस्पाले सधैं कालजयी इटालियन डिजाइन, व्यक्तित्व र विशिष्ट राइडिङ अनुभवको प्रतिनिधित्व गर्दै आएको छ। हाम्रो नयाँ १५० सीसी मोडलको सुरुवातसँगै नेपालमा भेस्पा परिवारमा थप एउटा सदस्य जोड्न पाउँदा हामी उत्साहित छौं। बजारमा भेस्पाको उपस्थिति अझ सुदृढ बनाउन र ब्रान्डको विशिष्ट चरित्र तथा विरासत झल्कने उत्पादन ग्राहकहरूलाई उपलब्ध गराउन हामी प्रतिबद्ध छौं। असोज २६ गते यो नयाँ मोडल सार्वजनिक गर्न र ग्राहकहरूसँग थप जानकारी साझा गर्न हामी उत्सुक छौं।”

सार्वजनिक कार्यक्रममा आमन्त्रित अतिथि तथा शुभचिन्तकहरूको उपस्थिति रहनुका साथै कार्यक्रमले नयाँ १५० सीसी मोडललाई नेपाली बजारमा औपचारिक रूपमा परिचय गराउने जनाइएको छ।

डेल्टा अटोकर्पले आफ्नो सञ्जाल र स्कुटरको शृंखलामार्फत देशभरका ग्राहकहरूलाई भेस्पाका मोडलहरू उपलब्ध गराउँदै आएको बताइएको छ। नयाँ स्कुटरका विशेषता र उपलब्धताबारे थप जानकारी असोज २६ गतेको कार्यक्रममा साझा गरिने कम्पनीले बताएको छ।