टिकटकले तोक्यो लाइभमा उमेर हद

काठमाडौँ । टिकटक लाइभमा उमेर हद तोकेको छ । टिकटकले आफ्नो प्लाटफर्ममा लाइभस्ट्रिम गर्ने प्रयोगकर्ताको उमेर हद तोकेको हो । हाल टिकटकमा लाइभस्ट्रिम होस्ट गर्न १६ वर्षको हुनुपर्ने नियम छ । अब मंसिर ७ गतेदेखि भने लाइभ गर्न १८ वर्षको हुनुपर्ने टिकटकले जनाएको छ । यस्तै, लाइभ कार्यक्रमलाई ‘एडल्ट–ओल्नी’ अर्थात् १८ वर्षभन्दा माथिका प्रयोगकर्ताले मात्रै हेर्न मिल्ने बनाउन यसमा नयाँ फिचर पनि समावेश गरिने भएको छ ।

टिकटक समुदायमा बालबालिका र किशोरकिशोरीलाई सुरक्षित राख्न यस्तो परिवर्तन ल्याउन लागिएको बताइएको छ । त्यसैगरी, टिकटकले ‘मल्टि–गेस्ट’ फिचर पनि सार्वजनिक गर्ने जनाएको छ । यसमा लाइभ गर्नेले अन्य पाँचलाई मोडरेटरका रूपमा समावेश गर्न सक्नेछन् ।