मुख्य निर्वाचन अधिकृतसमक्ष रविले बुझाए ६ पृष्ठको स्पष्टीकरण

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले आफ्नो उम्मेदवारीको विरुद्धमा परेको उजुरीमा स्पष्टीकरण बुझाएका छन् ।
मुख्य निर्वाचन अधिकृतको कार्यलयमा आफै उपस्थित भई लामिछानेले ६ पृष्ठ लामो स्पष्टीकरण बुझाएका हुन् ।

आगामी बैशाख १० मा चितवन (२हुने उपनिर्वाचनमा रास्वपाको तर्फबाट उम्मेदवार रहेका लामिछानेले नँया नागरिकता प्राप्तीपछि पुरानो नागरिकताको निस्सा जिल्ला प्रशासन कार्यलयमा नबुझाएको र पुरानै मतदाता नामावलिका आधारमा उम्मेदवारी दर्ता गराएको भन्दै उनको उम्मेदवारीविरुद्ध चितवन (२ मा राष्ट्रिय जनर्मोचाको तर्फबाट उम्मेदवार रहेका जनकराज शर्माका प्रतिनिधि डम्बर पुरी,स्वतन्त्र उम्मेदवार सन्तोष थापा र स्वतन्त्र उम्मेदवार अम्बिका भट्टका प्रतिनिधि शिबबहादुर सुवेदीले उनिविरुद्ध उजुरी दिएका थिए ।

रविको स्पष्टीकरण अध्ययनपछि कार्यालयले बुधबार नै साँझ उम्मेदवारको अन्तिम नामावली प्रकाशन गर्नेछ।
त्यस्तै युवराज पौडेल ‘सफल’को उजुरी भने नलाग्ने भएको छ। लामिछानेले अमेरिकी नागरिकता त्यागेको निस्सा नबुझाई फेरि नागरिकता लिएको भन्दै पौडेलले निर्वाचन अधिकृतको कार्यालयमा उजुरी दिएका थिए।