नेप्से परिसूचकमा सामान्य अंकको गिरावट, ४ अर्ब ५४ करोडभन्दा बढीको कारोबार

काठमाडौं । साताको दोस्रो कारोबार दिन सोमबार नेपाल स्टक एक्सचेञ्ज (नेप्से) परिसूचक १.२० अंकले घटेर २,६८४.३३ बिन्दुमा कायम भएको छ। आज ३४९ कम्पनीका १ करोड १४ लाख ३ हजार कित्ता शेयर किनबेच हुँदा ४ अर्ब ५४ करोड ७७ लाख रुपैयाँ बराबरको कारोबार भएको छ।

कारोबारका क्रममा १२६ कम्पनीको शेयर मूल्य बढ्दा १४१ कम्पनीको घटेको छ भने ७ कम्पनीको शेयर मूल्य स्थिर रहेको छ।

उपसूचकमध्ये व्यापार समूह सर्वाधिक ०.९३ प्रतिशतले घटेको छ। अन्य अधिकांश उपसूचकमा भने सामान्य उतारचढावसहित मिश्रित कारोबार देखिएको छ।