काठमाडौं । भक्तपुरमा चितुवाको आक्रमणबाट एक बालिका घाइते भएकी छन् । चाँगुनारायण नगरपालिका ४ साङदहस्थित मामाघरमा पढ्न बसेकी १४ वर्षीया चयन बस्नेतलाई चितुवाले आक्रमण गरेको हो ।

घर नजिकै कोही नबस्ने खाली घरमा खेल्न जाने क्रममा झाडीबाट अचानक निस्किएको चितुवाले उनी माथि आक्रमण गरेको थियो । उनी सख्त घाइते अवस्थामा भेटिएकी थिइन् । उनलाई उपचारका लागि टेकु अस्पताल पुर्याइएको छ ।