एजेन्सी । ज्योतिष शास्त्रका अनुसार २९ जुन २०२४ मा शनि कुम्भ राशिमा फर्कदैछ। जुन २९ मा राति १२:५० बजे शनिदेव प्रतिगामी अवस्थामा प्रवेश गर्नेछ र १५ नोभेम्बर २०२४ सम्म प्रतिगामी अवस्थामा रहनेछ। यस्तो अवस्थामा शनिको उल्टो चालले धेरै राशीमा गहिरो प्रभाव पार्न सक्छ र करिब ५ महिनाको अवधि केही राशिका लागि पीडादायी हुन सक्छ।
शनिदेवलाई न्याय र कर्मको फल दिने मानिने भए पनि शनिको प्रतिगामी पक्षका कारण धेरै राशिका मानिसहरुलाई समस्याको सामना गर्नु पर्ने हुन्छ । शनि ग्रहको प्रतिगामीका कारण कुन राशीमा समस्या आउनेछ र यसका उपायहरु के के छन् जानौँ ।
मेष : शनिको प्रतिगामी गति मेष राशिका व्यक्तिहरूका लागि अत्यन्त पीडादायी साबित हुन सक्छ। यस अवधिमा तपाईको काममा अवरोध आउने सम्भावना छ। आर्थिक हानि पनि हुनसक्छ । परिवारमा झगडा पनि बढ्न सक्छ जसका कारण मानसिक तनावमा पर्नुहुनेछ। शनिको प्रतिगामी चरणमा मेष राशिका व्यक्तिहरूले धैर्य र कडा परिश्रम गर्नुपर्नेछ। शनिको प्रतिगामी दृष्टिबाट बच्न मेष राशिका व्यक्तिहरूले शनिदेवसँगै हनुमानजी र भैरवको पूजा गर्नुपर्छ।
वृष : वृष राशिका व्यक्तिहरुको राशिफलमा शनिदेवको प्रभाव तपाईको राशिको दशौं घरमा रहनेछ। जसका कारण शनिको प्रतिगामी चालले तपाईमा नकारात्मक प्रभाव पार्नेछ। वृष राशिका व्यक्तिहरुका लागि यो समय चुनौतीपूर्ण रहनेछ र यदि तपाई व्यापार गर्दै हुनुहुन्छ भने तपाईलाई धन हानि पनि हुन सक्छ। वृष राशिका व्यक्तिले शनिबार कालो तिल, कालो उडद, फलाम, तोरीको तेल, कालो वस्त्र, कालो जुत्ता आदि दान गर्नुपर्छ । यसले शनिको अशुभ प्रभावलाई कम गर्छ।
मकर : शनि मकर राशिको शासक ग्रह हो, तर कुंभमा शनिको प्रतिगामी चालले मकर राशिका मानिसहरूलाई समस्या पनि ल्याउन सक्छ। यस समयमा करियर व्यवसायमा ध्यान दिनुहोला। धेरै मिहिनेत गर्दा पनि इच्छा अनुसारको काम नपाउँदा मन दुखी हुनेछ । शनिको प्रतिगामी अवस्था अशुभ हुने भएकाले हरेक दिन कालो काग र कालो कुकुरलाई रोटी खुवाउनुपर्छ ।
मीन : मीन राशिका व्यक्तिहरूलाई प्रतिगामी शनिले कार्यस्थलमा समस्या ल्याउन सक्छ। यस अवधिमा कार्यालयका अधिकारी वा सहकर्मीसँग वादविवादको स्थिति आउन सक्छ। जसका कारण कार्यस्थलमा समस्याको सामना गर्नु पर्नेछ ।वादविवाद नगर्नुहोस् र आफ्नो बोली नियन्त्रण गर्ने प्रयास गर्नुहोस्। प्रतिगामी शनिको अशुभ प्रभावबाट बच्न एउटा भाँडोमा तोरीको तेल लिएर त्यसमा अनुहार डुबाएर दान गर्नुहोस् ।
