जीएसी मोटर्स : चीनको उत्कृष्ट गुणस्तरको नम्बर १ ब्राण्ड, नेपाली बजारमा

काठमाडौँ ।  विश्वव्यापी अटोमोबाइल उत्कृष्टताको अग्रणी ब्राण्ड, जीएसी मोटर्सले नेपाली बजारमा आफ्नो आधिकारिक बिक्रेता सीजी मोटर्स मार्फत प्रवेश गरेको जनाएको छ । उच्च गुणस्तर, नवप्रवर्तन, र अत्याधुनिक प्रविधिको लागि विश्वभरि ख्यातिप्राप्त जीएसी मोटर्सले आफ्नो नयाँ आयोन वाइ यसयुभी को नेपाली बजारमा भव्य लञ्च गर्दै आफ्नो उपस्थितिलाई विस्तार गरेको बताएको छ ।

जीएसी मोटर्स, चीनको अटोमोबाइल ब्राण्ड गुणस्तर रैंकिङमा नम्बर १ मानिएको, अनुसन्धान र विकास, र प्रविधिमा संसारभर प्रसिद्ध रहेको बताइएको छ। ब्राण्डले यूएईमा “उत्तम चिनियाँ अटोमोबाइल ब्राण्ड” र नाइजेरियामा ” अटो मोबाइल  इन्टरप्राइज ऑफ़ द एअर ” जस्ता धेरै अन्तर्राष्ट्रिय पुरस्कारहरू प्राप्त गरेर आफ्नो प्रतिष्ठा स्थापित गरेको कम्पनीले बताएको छ।

अब, जीएसी मोटर्सले आयोन वाइ मार्फत नेपाली बजारमा ड्राइभिङ अनुभवमा परिवर्तन ल्याउन तयारी गरेको छ र ग्राहक सन्तुष्टिलाई पहिलो प्राथमिकतामा राखेर नेपाली ग्राहकहरूको मन जित्ने विश्वास लिएको कम्पनीले जनाएको छ । जीएसी मोटर्सले नेपाली बजारमा नयाँ मापदण्डहरू स्थापित गरी ड्राइभिङ अनुभवलाई नयाँ उचाइमा पुराउने छ। अत्याधुनिक प्रविधि र विशेषताहरूले भरिपूर्ण, एआइओएन वाइ यसयुभी ले नेपाली बजारमा नयाँ युगको शुरुवात गर्ने कम्पनीले बताएको छ।