नेपालमा पहिलोपटक २२ सिटर विद्युतीय लक्जरी बसको बुकिङ खुला

काठमाडौं । नेपालमै पहिलोपटक २२ सिटर क्षमताको विद्युतीय लक्जरी बस शशिला मोटर्स नेपाल भित्र्याउने भएको छ । शशिला मोटर्सले भ्यान्च ब्राण्डको २२ सिट क्षमताको नयाँ विद्युतीय यात्रुबाहक बस नेपाल भित्र्याउन लागेको छ । विगत दश बर्षदेखि ब्यवसायिक गाडीहरु विक्री वितरण गर्दै आएको शशिला मोटर्स पछिल्लो समय नेपालको लागि हाइगर विद्युतीय बसको आधिकारिक बिक्रेता रहेकोमा अब नेपालको लागि भ्यान्च ब्राण्डका सबै बस तथा भ्यानहरुको पनि आधिकारिक बिक्रेता बनेको छ । स्प्रिन्टर डिजाइनको बस बनाउने चीनकै अग्रणी कम्पनी रहेको पाइन्छ । उक्त लक्जरी बसमा एक पटकको फुल चार्जमा ३ सय किलोमिटर गुड्ने २ सिटर बसमा ४ सय एनएमको टर्क र १ सय ४० किलोवाटको पिक पावर रहने कम्पनीले बताएको छ ।

दशैंलाई लक्षित गरि ल्याउन लागिएको उक्त बसको बुकिङ भने अहिलेदेखि नै खुला भएको बताइएको छ । २२ सिटर विद्युतीय लक्जरी बसमा सीएटीएल १ सय २३ किलोवाटको लिथियम् आइरन फोस्पेट ब्याट्री जडान हुने २२ सिटर विद्युतीय लक्जरी बस पूर्ण रुपमा एयर कन्डिसन र सबै प्रकारका सेफ्टी फिचर उपलब्ध हुनेछ भने यो गाडीको लम्बाइ २५ फिट हुनेछ । फराकिला सिट र पर्याप्त खाली ठाउँ हुने भएकाले लामो तथा छोटो दुरीमा संचालन गर्न यो बस यात्रु मैत्री हुने शशिला मोटर्सका प्रबन्ध निर्देशक सन्तोष खतिवडाले बताए । १ सय २३ किलोवाटको ब्याट्री क्षमताको विद्युतीय गाडी नेपालमै पहिलो पटक ल्याउन लागिएको खतिवडाले जानकारी दिए । उनले बस आइपुग्नु भन्दा पहिलो आवश्यक पार्टपुर्जा र सर्भिसिङ तथा मर्मत सबैको ब्यवस्था मिलाइने र बस संचालकलाई बिना झन्जट सेवा दिने पनि बताएका छन्।