महिन्द्राको अल इलेक्ट्रिक एक्सयूभी ४०० सार्वजनिक, बुकिङ सुरू

काठमाडौँ । काठमाडौंमा सोमबार सार्वजनिक गरिएसँगै बूकिङ पनि खुला गरिएको छ। यो नेपालका लागि महिन्द्राको पहिलो विद्युतीय कारका रूपमा स्थापित भएको कम्पनीले जनाएको छ। यसमा स्ट्यान्ड आउट एक्सयूभी(४०० ईएल(प्रो भेरियन्ट र ३९।४ किलोवाटको ब्याट्री छ। नेपाली बजारका लागि यो विशेष संस्करण भएको कम्पनीको दाबी छ ।

नेपालमा महिन्द्रा एक्सयूभी(४०० प्रस्तुत गर्न पाउँदा खुशी लागेको महिन्द्रा एन्ड महिन्द्रा लिमिटेडको अटोमोटिभ डिभिजनका इन्टरन्याशनल अपरेशन हेड सचिन अरोलकरले बताए। द्रुत गति, विस्तारित दायरा र बलियो सुरक्षा सुविधा भएको यो कारले नेपाली उपभोक्ताको आवश्यकता पूरा गर्ने उनको भनाइ छ ।

यसलाई नेपाली बजारमा ल्याएको अग्नि ग्रूपका प्रबन्ध निर्देशक क्याबिनेट श्रेष्ठले यो डिजाइन, स्पेश र प्रविधिका हिसाबले आकर्षक रहेको बताए। “यसले नेपाली उपभोक्तालाई विद्युतीय सेवा लिन उत्साहित र प्रेरित गर्नेछ,” श्रेष्ठले भने ।  बूकिङ खुला गरिएको एक्सयूभी(४०० को ब्याट्री र मोटरमा तीन वर्षको वारेन्टी छ। यसको मूल्य ५२ लाख ५० हजार रुपैयाँ तोकिएको छ।