रौतहट । राैतहटकाे चर्चित बजार कटहरियामा निःशुल्क स्वास्थ्य शिविरमा सैयौं विरामीहरु घर बसीबसी उपचार सेवा पाएका छन् भने एकसय भन्दा बढी मानिसले रक्तदान गरेका छन्।
कटहरिया ४ का अध्यक्ष चन्दन कुशवाहाको अनुरोधमा नेशनल मेडिकल कलेज बिरगंज तथा ब्लड बैंकको पहलमा आयोजित निःशुल्क स्वास्थ्य शिविर तथा रक्तदान कार्यक्रम सम्पन्न भएको हो । कार्यक्रममा १३८ जनाले रक्तदान गरेको वडा अध्यक्ष कुशवाहाले जानकारी दिएका छन्।
कटहरियामा सम्भवतः पहिलोचाेटी यति धेरै संख्यामा शिक्षक , विधार्थी, कर्मचारी समेतका मानिसहरूले रक्तदान गरेका हुन् । रक्तदान गर्नेहरूमा यूवा,जनप्रतिनिधि,कर्मचारी , शिक्षकप्रबुद्ध महिला,पुरूष व्यक्तिहरुको उलेख्य सहभागिता रहेको थियो।
१८४ बिरामीको स्वास्थ जाँच तथा निःशुल्क औषधी बितरण गरिएको थियो। साथै अन्य राेगबाट बिरामीहरू लाई पनि डाक्टरले आवश्यक सल्लाह सहित औषधी प्रदान गरिएको थियोे । निःशुल्क औषधी बितरणका लागि नेशनल मेडिकल संगै कटहरिया स्थित औषधी ब्यवसायी, जितेन्द्र साह, हरिश्चन्द्र कुशवाहा,राजु कुमार भास्कर,केपी यादव,सोनेलाल गुप्ता, उमेश यादव,सागिर अहमद र कृष्णनन्दन कुमार साह लगायतले निःशुल्क औषधी सहयोग गरेका थिए। रक्तदाताहरु लाई सम्मानका लागि प्रमाणपत्र संगै गमछा ओढाएर आयोजकले कदरपत्र प्रदान गरेका थिए।
रक्तदान कार्यक्रममा नेकपा एमालेका केन्द्रीय सदस्य पूर्व प्रदेश सांसद कुन्दन कुशवाहा, कटहरिया १ का वडा अध्यक्ष भूपेन्द्र महतो,३ का अध्यक्ष श्यामाकान्त यादव , ईलाका प्रहरी कार्यालय कटहरियाका प्रमुख सई मुकेश कुमार सिंह,लगायतको सहभागिता रहेको थियो ।
निःशुल्क स्वास्थ्य शिविर तथा रक्तदान कार्यक्रममा नेशनल मेडिकल कलेज वीरगंजका डाक्टर आलोक कुमार सिंह, डाक्टर निरज सापकोटा, बालरोग विशेषज्ञ मनोज गुप्ता, डाक्टर दीपेन्द्र गुरुङ, चर्मरोग विशेषज्ञ डाक्टर स्वाती साह, डाक्टर सौरभ सिंह, पैथोलोजिस्ट डाक्टर सञ्जय कुमार साह, सीमान्त शर्मा पौडेल वल्ड बैंक ल्याब ईन्चार्ज, कृष्ण बिनय निराला संयोजक नर्सिङ प्रमुख विकास कुमार गुप्ता लगायत ३० जान डाक्टरकाे सहभागिता रहेको थियो।
