भृकुटिमण्डपमा सुरू भयो “तेस्रो कान्तिपुर हिसान एडुफेयर –२०१६ ”

एसएलसी र कक्षा १२ को परीक्षा दिएर बसेका विद्यार्थीहरुलाई लक्षित गरेर बिहीबारदेखि “तेस्रो कान्तिपुर हिसान एडुफेयर –२०१६ सुरु भएको छ ।
उच्च माध्यमिक विद्यालय संघ नेपाल, ‘हिसान’ र कान्तिपुर पब्लिकेसन्सको संयुक्त आयोजनामा
भृकुटीमण्डप, प्रर्दशनीहलमा विहिवार देखि सुरु भएको मेला नौ गतेसम्म चल्नेछ । “उत्कृष्ट शिक्षा नेपालमै” भन्ने नाराका साथ नेपालमा सञ्चालित शिक्षण संस्थाहरुको मात्र सहभागिता रहेको शैक्षिक मेलामा विद्यार्थीहरुको उल्लेख्य सहभागिता रहेको छ । विद्यार्थी, अभिभावक तथा शिक्षा क्षेत्रसँग सम्बन्धित सम्पूर्ण पक्षको बारेमा शैक्षिक जानकारी दिने उद्देश्य मेला गरिएको हिसानका अध्यक्ष रमेश सिलवालले बताउनुभयो । ‘मेलामा स्वदेशका उत्कृष्ठ सबैजसो कलेजले सहभागिता जनाएका छन,’उहाले भन्नुभयो,‘एकै छानामुनी सबै जानकारी पाउनेछन् ।’
गुणस्तरिय र उत्कृष्ट शिक्षा दिने शिक्षालयहरुको जानकारी र परामर्श नहुँदा कतिपय विद्यार्थी तथा अभिभावकहरुको विदेश मोह जाने गरेका छन् । मेलाले यस्ता समस्याबाट मुक्त गराउने र स्वदेशी शैक्षिक संस्थाको यथार्थ पनि मेलाबाट थाहा पाइने हिसानका उपाध्यक्ष युवराज शर्माले बताउनुभयो ।