सुनको मूल्यमा नयाँ ऐतिहासिक रेकर्ड, कतिमा हुँदैछ कारोबार ?

काठमाडौँ । नेपाली बजारमा बुधवार सुनको मूल्यले नयाँ ऐतिहासिक रेकर्ड बनाएको छ । आज एकैदिन सुनको मुल्य तोलामा ९ हजार ५०० रुपैयाँले वृद्धि भएको छ ।

नेपाल सुनचाँदी व्यवसायी महासंघका अनुसार बुधवार छापावाल सुनको मूल्य ३ लाख १८ हजार ८ सय रुपैयाँमा कारोबार भइरहेको छ । मंगलबार छापावाल सुनको मुल्य तोलामा ३ लाख ९ हजार ३०० रुपैयाँमा कारोबार भएको थियो ।

त्यसैगरी चाँदीको मुल्य पनि आज बढेको छ । आज चाँदी तोलाको ७ हजार ३ सय रुपैयाँमा कारोबार भइरहेको छ । मंगलबार चाँदी प्रतितोला ६ हजार ४ सय ८० रुपैयाँमा कारोबार भएको थियो। सुन र चाँदीको भाउ नै हालसम्मकै उच्च मुल्यमा पुगेको छ ।