नेपाली कांग्रेसको प्रतिज्ञापत्र सार्वजनिक,यस्ता छन् १० भिजन

काठमाडौँ । नेपाली कांग्रेसले प्रतिनिधिसभा निर्वाचनको पूर्वसन्ध्यामा आफ्नो विस्तृत प्रतिज्ञापत्र सार्वजनिक गर्दै आगामी पाँच वर्षको लागि राष्ट्रिय रुपान्तरण मार्गचित्र अघि सारेको छ। ऐतिहासिक महत्व बोकेको जनकपुरधाममा आयोजित विशेष समारोहबीच सभापति गगन कुमार थापा,उपसभापति तथा निर्वाचन परिचालन समितिका संयोजक विश्वप्रकाश शर्मा,उपसभापति पुष्पा भुषाललगायत शीर्ष नेताहरुको उपस्थितिमा ‘समुन्नत नेपाल’,’सम्मानित नेपाली’ मूल नारासहित दस्तावेज सार्वजनिक गरिएको हो। त्यसपछि पार्टी केन्द्रिय कार्यालय सानेपामा पत्रकार सम्मेलन गर्दै भिजनका मुख्य आधार र कार्ययोजना सार्वजनिक गरिएको बताइएको छ।

कांग्रेसले यसपटक स्पष्ट बहुमतसहित लोकतान्त्रिक,उत्तरदायी र लोकहितमुखी सरकार गठन गर्ने लक्ष्य लिएको जनाएको छ। पार्टी प्रवक्ताका अनुसार प्रतिज्ञापत्र केवल चुनावी प्रतिबद्धता नभई कार्यसम्पादनको मापदण्डसमेत हो,जसका आधारमा आगामी दिनमा जनताले पार्टी र नेतृत्वको मूल्यांकन गर्न सक्नेछन्। काग्रेसले कुनै बहाना वा परिस्थितिको आडमा जिम्मेवारीबाट पछि नहट्ने अडान दाहोर्याएको छ।

कांग्रेसले सार्वजनिक गरेको १० बुँदे दृष्टिकोणमा नागरिकको आत्मसम्मानदेखि समग्र राष्ट्रिय समृद्धिसम्मका लक्ष्य समेटिएका छन्। ती बुँदा यस प्रकार छन्:-

१.सम्मानपुर्वक बाँच्न पाउने नेपाल
२.सपना देख्न र पूरा गर्न सक्ने वातावरण
३.सम्पत्ति र रोजगारी सिर्जनालाई प्रोत्साहन
४.आत्मनिर्भर कृषि र सम्मानित किसान
५.सबैका लागि सहज स्वास्थ्य सेवा
६.आर्थिक भाररहित गुणस्तरीय शिक्षा
७.विधिको शासन र सुशासन
८.मौलिकता जोगाउँदै आधुनिकता
९.विश्वमा स्वाभिमानी राष्ट्रको पहिचान
१०.तीव्र गतिमा सम्मुनतितर्फ अघि बढ्ने नेपाल