अनिवार्य रूपमा मताधिकार प्रयोग गर्न प्रधानमन्त्री कार्कीको आग्रह

काठमाडौं । प्रधानमन्त्री सुशीला कार्कीले आम मतदातालाई अनिवार्य रूपमा आफ्नो मताधिकार प्रयोग गर्न आग्रह गरेकी छन्। उनले आज सामाजिक सञ्जालमार्फत सबै मतदातालाई मतदान केन्द्रमा पुगेर आफ्नो अमूल्य मत प्रयोग गर्न आह्वान गरेकी हुन्।

प्रधानमन्त्री कार्कीले फेसबुकमार्फत लेखेकी छन्,
“आदरणीय दिदीबहिनी तथा दाजुभाइहरू, आज फागुन २१ गते अनिवार्य रूपमा मतदान केन्द्रमा पुगेर आफ्नो अमूल्य मताधिकार प्रयोग गर्न हार्दिक आग्रह गर्दछु।”

उनले मतदाताको प्रत्येक मतले देशको भविष्य निर्धारण गर्न महत्त्वपूर्ण भूमिका खेल्ने उल्लेख गर्दै शान्तिपूर्ण निर्वाचनका लागि देखाइएको संयम र समझदारीप्रति सम्पूर्ण मतदातालाई धन्यवाद पनि व्यक्त गरेकी छन्।