गुल्मी । प्रतिनिधि सभा सदस्यका लागि गुल्मी १ बाट राष्ट्रिय स्वतन्त्र पार्टी (रास्वपा ) का उम्मेदवार सागर ढकालले मतदान गरेका छन् । उनले सत्यवती गाउँपालिका ६ स्थित बालकल्याण निम्न माध्यमिक विद्यालयमा रहेको मतदान केन्द्रमा पुगेर आफ्नो मत दिएका हुन् ।
यस अघि ढकालले प्रतिनिधि सभा सदस्यको चुनाव डलेल्धुराबाट पनि प्रतिस्पर्धा गरेका थिए ।
जिल्ला निर्वाचन कार्यालयका अनुसार गुल्मीका विभिन्न मतदान केन्द्रमा बिहानदेखि शान्तिपूर्ण रुपमा मतदान भइरहेको छ । मतदाताको सहभागिता पनि उत्साहजनक देखिएको बताइएको छ ।
