काठमाडौँ । नेपालमा अब इलेक्ट्रिक एसयूभी प्रेमीहरुका लागि एमजी एस ५ इभी उपलब्ध भएको छ । यो कम्प्याक्ट र पूर्ण एसयूभी इलेक्ट्रिक गाडि एमजी एस इभीको उत्तराधिकारीको रुपमा बजारमा आएको छ । पारामाउन्ट मोटर्स प्रा.ली.ले २०२५ मार्च ७ मा यसलाई आधिकारिक रुपमा लन्च गरेको बताएको छ । उक्त गाडि एमजी गाडिहरुको आधिकारिक शोरुमहरुबाट खरिद गर्न सकिने जनाइएको छ ।
एमजी एस ५ इभी विशेषगरी शहरभित्रको यात्रा र दैनिक प्रयोगका लागि डिजाइन गरिएको एसयूभी हो ,जसले शहर र राजमार्ग दुवैमा सन्तुलित, आरामदायी र व्यवहारिक ड्राइभ अनुभव प्रदान गर्ने बताइएको छ । कम्पनीका अनुसार यस कम्फर्ट मोडलमा ग्राउन्ड क्लियरेन्स १७५ एमएम र लक्जरी मोडलमा १८० एमएम रहनुका साथै यसले नेपाली सडकका कठिन अवस्थाहरुमा समेत सहज यात्रा सुनिश्चित गर्दछ ।
यस गाडिको सुरक्षा र सुविधा हेर्दा एमजी एस ५ इभी उच्च स्तरको एसयूभी मानिन्छ । यसले यूरो एनक्यापमा जेष्ठ नागरिक र बालबालिकाको सुरक्षाको लागि ५ स्टार रेटिङ पाएको कम्पनीको दाबी छ । प्रमुख सुरक्षा सुविधाहरुमा ६ एयरब्याग,एबिएस सहित इबिडि,ट्रयाक्सन कन्ट्रोल,३६० डिग्री क्यामेरा र लेभल २ एडास समावेश रहेको बताइएको छ ।
कम्पनीका अनुसार एमजी एस ५ इभी कारको डिजाइन र बाहिरी सुविधामा रेसिङ फ्ल्याग थिम,डि आर एल प्रोजेक्टर एलइडी,१८ इन्च अलोय ह्वील्स,चार्जिङ पोर्ट (डिसी र सीसीएस २),वन–टच टेलगेट ओपन र ह्यान्ड–फ्री मोड,४५३ लिटर बुट स्पेस लगायतका सुविधाहरु रहेका छन् । कारको इन्टेरियरमा पीयू लेदर फिनिश सीटहरु,१२.८ एन्च टचस्क्रीन,अगाडिका हीटेड सीट,हीटेड स्टयरिङ व्हील र पर्याप्त ठाउँमा ५ जना सजिलै बस्न सक्ने व्यवस्था गरिएको जनाइएको छ ।
एमजी एस ५ का प्रमुख स्पेसिफिकेसनहरुको कुरा गर्नुपर्दा ९९ किलोवाट पीएमएसएम मोटर,१३५ पीएस अधिकतम पावर,२५० एनएम टर्क,५ सिटर क्षमता,म्याकफर्सन स्ट्रट र फाइभ लिङ्क सस्पेन्सन,लिथिएम आइरन फसफेट ब्याट्री (४९ के डब्लू एच र ६६.२२ के डब्लू एच) ए सी ब्याट्रि बाट चार्ज गर्दा ८ देखि १० घण्टा सम्म,डि सी ब्याट्रि बाट चार्ज गर्दा २४ देखि २६ मिनेट सम्म र पूर्ण चार्ज रेंज ३४० देखि ४३० किलोमिटर (डब्लूएलटिपि) सम्म पुग्ने कम्पनीले बताएको छ । टायर साइज कम्फर्ट मोडलमा २१५ र ५५ आर १७ र लक्जरीमा २१५ र ५५ आर १८ रहनुका साथै यस कारको लम्बाइ ४४७६,चौडाई १८४९ र उचाइ १६२१ एमएम रहेको छ भने व्हीलबेस २७३० एमएम र कर्ब वजन १७०५ केजी छ ।
एम जी एस ५ नेपालमा रु.४३ लाख ३९ हजार देखि ५४ लाख ९० हजार सम्मको मूल्यमा उपलब्ध रहेको छ । यो कार कालो,रातो,नीलो,खैरो,सेतो,पहेँलो र रोज गोल्ड कलरमा पाउन सकिने बताइएको छ ।
पूरा भिडियो :
