मेष राशि
यो वर्ष मिश्रित फलदायी रहनेछ । वर्षको प्रारम्भ र अन्त्यतिर केही चुनौतीहरू देखा पर्नेछन् भने कार्तिकदेखि माघसम्मको समय विशेष लाभदायक रहनेछ । साढेसाती शनि र मंसिरपछि राहुको अशुभ प्रभावका कारण मानसिक तनाव, झुट्टा आरोप, आफन्तसँग मनमुटाव र सरकारी झमेलाको सम्भावना रहन्छ । स्वास्थ्यमा पनि उतारचढाव आउन सक्छ । धार्मिक कार्य र यात्रा प्रति रुचि बढ्नेछ ।
वृष राशि
यो वर्ष समग्रमा सकारात्मक रहनेछ । बृहस्पति र शनिको अनुकूलताले आर्थिक उन्नति, नयाँ अवसर र सामाजिक प्रतिष्ठा बढाउनेछ । वर्षको सुरुवातमा परिवारमा सुख, कुटुम्ब वृद्धि र काममा सफलता मिल्नेछ । असारदेखि कार्तिकसम्म स्वास्थ्यमा केही समस्या र खर्च वृद्धि हुन सक्छ । साउन, कार्तिक, फाल्गुन र चैत महिना आर्थिक रूपमा लाभदायी रहनेछन् । वैदेशिक काम र पशुपालन व्यवसायबाट राम्रो लाभ मिल्नेछ ।
मिथुन राशि
यो वर्ष मध्यम फलदायी रहनेछ । बृहस्पतिको प्रभावले वर्षको सुरुवातमा आर्थिक उन्नति र पारिवारिक सुख मिल्नेछ । नोकरीमा अवरोध र आलोचना सहनुपर्ने स्थिति आउन सक्छ । मंसिरपछि भने आम्दानीका स्रोतहरू विस्तार हुनेछन् र स्थिति सुधार हुनेछ । वैशाख, भदौ, मंसिर र चैत महिना आर्थिक रूपमा शुभ रहनेछन् । शिक्षा र व्यापार क्षेत्रमा उतारचढाव देखिनेछ ।
कर्कट राशि
यो वर्ष मिश्रित परिणाम दिनेछ । वर्षको मध्यभागमा बृहस्पतिको अनुकूलताले आर्थिक उन्नति, अधुरा काम सम्पन्न हुने र शत्रुमाथि विजय प्राप्त हुने सम्भावना छ । वर्षको सुरुवात र अन्त्यतिर खर्च वृद्धि, ऋणभार, स्वास्थ्य समस्या र पारिवारिक विवाद बढ्न सक्छ । शनि, राहु र केतुको प्रभावले मानसिक तनाव र अनावश्यक झमेलामा फस्ने अवस्था आउन सक्छ । वैदेशिक कार्य र व्यापारबाट मध्यम लाभ मिल्नेछ ।
सिंह राशि
यो वर्ष सामान्य फलदायी रहनेछ । अधिकांश ग्रहहरूको प्रतिकूल प्रभावले स्वास्थ्य समस्या, मानसिक तनाव, धनहानि र झुट्टा आरोपको सम्भावना देखिन्छ । वैदेशिक क्षेत्रबाट लाभ मिल्नेछ भने व्यापारबाट आम्दानी राम्रो रहनेछ । अध्ययनमा सुरुवातमा कमजोरी देखिए पनि पछि सुधार हुनेछ । जेठ, असार, मंसिर र माघ महिना आर्थिक रूपमा राम्रो रहनेछन् । संयम र धैर्य आवश्यक हुनेछ ।
कन्या राशि
यो वर्ष राम्रो अवसरहरू ल्याउनेछ । वर्षको सुरुवातमा धनलाभ, नयाँ कामको थालनी र पारिवारिक सुख प्राप्त हुनेछ । मंसिरसम्म राहुको अनुकूलताले शत्रुमाथि विजय र आम्दानी वृद्धि हुनेछ । तर मध्यभागमा खर्च वृद्धि, पारिवारिक समस्या र व्यापारमा अवरोध आउन सक्छ । मंसिरपछि स्वास्थ्यमा ध्यान दिनुपर्नेछ । असार, श्रावण, मंसिर र फाल्गुन महिना आर्थिक रूपमा शुभ रहनेछ ।
तुला राशि
यो वर्ष मध्यम रहनेछ । बृहस्पतिको प्रभावले नोकरी, सामाजिक प्रतिष्ठा र अवसरहरू प्राप्त हुनेछन् । तर राहु केतुको प्रभावले पारिवारिक समस्या, पुख्र्यौली सम्पत्तिमा विवाद र पेशागत तनाव आउन सक्छ । वर्षको मध्यभागमा आर्थिक संकटको सम्भावना छ । वैदेशिक क्षेत्रका काम भने सफल हुनेछन् । साउन, भदौ, पुस र चैत महिना आर्थिक रूपमा लाभदायी रहनेछन् । सावधानी र सन्तुलन आवश्यक हुनेछ ।
वृश्चिक राशि
यो वर्ष मध्यम फलदायी रहनेछ । बृहस्पतिको अनुकूलताले शिक्षा, धार्मिक कार्य र पारिवारिक जीवनमा प्रगति हुनेछ । तर शनिको प्रभावले आर्थिक दबाब, चिन्ता र सन्तानसम्बन्धी समस्या देखिन सक्छ । राहु–केतुले जग्गा जमिन र वाहन सम्बन्धी विवाद ल्याउन सक्छ । वैशाख, भदौ, असोज र माघ महिना लाभदायी रहनेछन् । कृषि र पशुपालनबाट लाभ मिल्नेछ ।
धनु राशि
यो वर्ष सामान्य रहनेछ । वर्षको मध्यभागमा बृहस्पतिको प्रभावले धार्मिक कार्य, नयाँ अवसर र प्रगति हुने सम्भावना छ । तर अन्य समयमा मानसिक तनाव, पारिवारिक विवाद र आर्थिक समस्या देखिन सक्छ । पुख्र्यौली सम्पत्तिमा विवाद हुने सम्भावना छ । वैदेशिक कार्य र व्यापारबाट भने लाभ मिल्नेछ । जेठ, असोज, कार्तिक र फाल्गुन महिना आर्थिक रूपमा शुभ रहनेछन् । संयम आवश्यक हुनेछ ।
मकर राशि
यो वर्ष राम्रो रहनेछ । बृहस्पति र शनिको अनुकूलताले आम्दानी वृद्धि, सामाजिक प्रतिष्ठा र सम्पत्ति विस्तार हुनेछ । गुमेको धन फिर्ता आउने सम्भावना पनि छ । वैदेशिक रोजगारबाट लाभ मिल्नेछ । वर्षको मध्यभागमा केही चुनौती र मानसिक चिन्ता आउन सक्छ । असार, कार्तिक, मंसिर र चैत महिना आर्थिक रूपमा लाभदायी रहनेछन् । मेहनतको उचित प्रतिफल प्राप्त हुनेछ ।
कुम्भ राशि
यो वर्ष सामान्य रहनेछ । वर्षको मध्यभागमा बृहस्पतिको अनुकूलताले धन लाभ, पदोन्नति र सम्मान प्राप्त हुनेछ । तर अन्य समयमा शनि, राहु र केतुको प्रभावले मानसिक तनाव, खर्च वृद्धि र आफन्तसँग दूरी बढ्न सक्छ । सञ्चित धनमा कमी आउने सम्भावना छ । वैशाख, श्रावण, मंसिर र पुस महिना आर्थिक रूपमा शुभ रहनेछन् । धैर्य र सावधानी आवश्यक हुनेछ ।
मीन राशि
यो वर्ष मिश्रित रहनेछ । बृहस्पतिको प्रभावले शिक्षा, सन्तान र पारिवारिक सुखमा सुधार हुनेछ । मंसिरसम्म राहुको अनुकूलताले नयाँ काम र आम्दानीका अवसरहरू बढाउनेछ । तर त्यसपछि खर्च वृद्धि, झमेला र मानसिक तनाव आउन सक्छ । वैदेशिक क्षेत्रबाट राम्रो लाभ मिल्नेछ । जेठ, भदौ, पुस र माघ महिना आर्थिक रूपमा शुभ रहनेछन् । संयम र योजना आवश्यक हुनेछ ।
