मेटाको निर्णयः ८ हजार कर्मचारी कटौती गर्दै एआईतर्फ केन्द्रित हुने

काठमाडौँ । सामाजिक सञ्जाल प्लेटफर्महरु सञ्चालन गर्ने मेटा कम्पनीले ठुलो मात्रामा कर्मचारी संख्या घटाउने तयारी गरेको छ । विभिन्न अन्तराष्ट्रिय सञ्चारमाध्यका अनुसार कम्पनीले झन्डै ८ हजार कर्मचारीलाई हटाउने योजना बनाइएको छ भने जुन यसका कुल जनशक्तिको करिब १० प्रतिशत हो ।

यो प्रक्रिया मे २० बाट सुरु हुने बताइएको छ । प्रारम्भिक चरणपछि वर्षको पछिल्लो समयमा थप कटौती गरिने सम्भावना छ तर त्यसको विस्तृत विवरण भने सार्वजनिक गरिएको छैन । कम्पनीले चरणबद्ध रुपमा यो निर्णय कार्यान्वयन गर्ने तयारी गरेको छ ।

मेटाका प्रमुख कार्यकारी अधिकृतले कम्पनीलाई आर्टिफिसियल इन्टेलिजेन्स (एआई) केन्द्रित बनाउने रणनीति अघि सारेका छन् । एआई प्रविधिको प्रयोग बढदै जाँदा धेरै काम स्वचालित गर्न सकिने विश्वास कम्पनीको छ ।

यस वर्ष प्रविधिक्षेत्रमा यस्ता निर्णयहरु बढ्दै जाँदा मेटासँगै अन्य ठुला कम्पनीहरुले पनि हजारौँ कर्मचारी कटौती गरिसकेका छन् । तथ्यांकले देखाएअनुसार २०२६ को पहिलो चार महिनामै हजारौँ कर्मचारी कटौती गरिसकेका छन् ।

तथ्यांकले देखाए अनुसार २०२६ को पहिलो पहिलो चार महिनामै विश्वभर टेक उद्योगका ७३ हजार भन्दा बढी कर्मचारीले जागिर गुमाएका छन् ।