कर्मचारीले अब प्रत्येक १५ दिनमा तलब पाउने व्यवस्था लागू गर्ने सरकारको तयारी

काठमाडौँ । नेपालमा राष्ट्रसेवक कर्मचारी को भुक्तानी प्रणलीमा परिवर्तन गर्ने तयारी गरिएको छ । अब कर्मचारीले मासिक रुपमा नभई प्रत्येक १५ दिनमा तलब भत्ता पाउने व्यवस्था ल्यान सरकार अघि बढेको छ ।

यस सम्बन्धमा अर्थ मन्त्रालयले महालेखा नियन्त्रक कार्यालयलाई आवश्यक तयारी गर्न निर्देशन दिइसकको छ । महालेखा नियन्त्रक सोभाकान्त पौडेलका अनुसार मन्त्रालयबाट परिपत्र प्राप्त भइसकेको छ र कार्यान्वयन प्रक्रिया छिट्टै अघि बढ्ने अपेक्षा गरिएको छ ।

सरकारले यस्तो व्यवस्था ल्याउन खोज्नुको मुख्य उद्धेश्य कर्मचारीको हातमा नियमित रुपमा नगद प्रवाह सुनिश्चित गर्नुका साथै समग्र अर्थतन्त्रलाई थप सक्रिय बनाउनु हो । हालसम्म कर्मचारीहरुले एकै पटक मासिक तलब पाउने प्रचलन रहेको छ ।

त्यस्तै गरी यो नयाँ प्रणाली लागू गर्नका लागि संघिय निजामती सेवा ऐनमा संशोधन आवश्यक पर्ने बताइएको छ । सरकारले सोही ऐनमार्फत १५ दिनको अन्तरालमा तलब वितरण गर्ने प्रावधान समावेश गर्ने योजना बनाइएको छ ।