सुनचाँदीको मूल्यमा सामान्य वृद्धि : कतिमा हुँदैछ कारोबार ?

काठमाडौं । मंगलबार सुनचाँदीको मुल्य केही बढेको छ । आज सुन तोलामा ५ सय रुपैयाँ र चाँदी ४५ रुपैयाँ बढेको छ ।

नेपाल सुनचाँदी व्यवसायी महासंघका अनुसार आज सुनको मुल्य तोलामा २ लाख ९५ हजार ३ सय रुपैयाँमा कारोबार भईरहेको छ । सोमबार २ लाख ९४ हजार ८ सय रुपैयाँमा कारोबार भएको थियो ।

आज चाँदीको मुल्य प्रतितोला ५ हजार ८५ रुपैयाँमा कारोबार भइरहेको महासंघले जनाएको छ । सोमबार ५ हजार ४० रुपैयाँमा कारोबार भएको थियो ।

अन्तर्राष्ट्रिय बजारमा आज सुनको मुल्य प्रतिऔंस ४ हजार ५ सय ४४ अमेरिकी डलरममा कारोबार भइरहेको छ ।