काठमाडौं । बलिउड अभिनेता गोविन्दाले हालै ठूलो पर्दामा आफ्नो पुनरागमनको औपचारिक घोषणा गरेका छन् । एक पत्रकार सम्मेलनमा उनले आफ्ना आगामी चलचित्रहरू ‘रूपा’ र ‘दुनियादारी’ का बारेमा जानकारी दिएका हुन । उनले यो परियोजनामा नयाँ अभिनेत्री रानी स्वर्णकारसँग काम गर्ने कुरा पनि खुलासा गरेका छन । मुख्य भूमिका निर्वाह गर्नुका साथै गोविन्दाले यस चलचित्रको निर्माण पनि गर्दैछन्।
द टाइम्स अफ इन्डियाका अनुसार सो क्रममा गोविन्दाले आफ्नो करियरका उतार चढाव बारे पनि कुराकानी गरेका छन । उनले भने, ‘सायद मलाई कहिलेकाहीँ बेवास्ता गरिनु नै मेरो भाग्यमा थियो। मानिसहरू भन्थे कि अब मलाई चलचित्रहरूमा देख्न पाइने छैन। म नयाँ सुरुवात गर्दैछु। र म भगवानसँग प्रार्थना गर्छु कि यो चलचित्रले जादु गरोस्, जसले मैले कल्पना गरेको कुरा मात्र होइन, मानिसहरूले सोच्न पनि नसक्ने कुरा हासिल गरोस्। यो चलचित्र विशेष गरी युवाहरूका लागि हो। यसलाई हलमा हेर्न पाउनु उनीहरूका लागि एउटा सपना साकार भएजस्तै हुनेछ। र, यो सम्भव छ। म यहाँ आध्यात्मिकताको कुरा गर्ने छैन्।’
उनले आफ्नो जीवनमा अंक १४ सधैं किन विशेष रहँदै आएको छ भन्नेबारे थप बताए। उनले भने, ‘१४ मेरो भाग्यशाली अंक हो। म अंकज्योतिषमा विश्वास गर्छु। मेरो नाम पनि अंक ज्योतिषकै आधारमा राखिएको थियो। मैले एकदमै सानो उमेर १४ वर्षको हुँदा यसमा विश्वास गर्न थालेँ। ममाथि ईश्वरको कृपा थियो, मैले एकै हप्तामा १४ वटा चलचित्रमा हस्ताक्षर गरेँ। त्यसपछि, मैले १४ वर्षसम्म ‘सुपर स्टारडम’को पनि अनुभव गरेँ पछि म १४औँ लोकसभाको सांसदसमेत बन्न सफल भए, मैले १४ वर्षसम्म सङ्घर्ष गरे।’
गोविन्दा हालै रियालिटी शो ‘लक अप सिजन २’ मा देखा परे, जसमा उनकी श्रीमती सुनिता आहुजा पनि एक प्रतिस्पर्धी थिइन्। कार्यक्रमकी सञ्चालक फराह खान र सुनितासँगको कुराकानीका क्रममा गोविन्दाले ठट्टा गर्दै आफ्नी श्रीमतीसँगको तिक्ततापूर्ण सम्बन्धबारे संकेत गरेका थिए र घुँडामा झुक्किएर गोली लागेको भनिएको त्यो चर्चित घटनालाई पनि सम्झिए।
कार्यक्रमको बारेमा बोल्दै गोविन्दले भने, ‘यो ‘लक अप’ हो, जुन देखिने छ, त्यहाँ धेरै अन्य लकअपहरू छन् जुन देखिँदैनन् र म त्यहीँबाट आएको हुँ।’
उनकी नेपाली मुलकी श्रीमती सुनिता आहुजासँग पछिल्लो सबन्धका कारण चर्चामा रहेका छन् । जो उनी गत बर्षभरी मिडियामा छाइरहे । खासमा अहुजाले श्रीमान गोबिन्दा अन्य महिलासँग लागेको भन्ने जिकिर गरे पछि यो जोडी टाइमलाइनमा देखियो ।
