सुनको मूल्य एकैदिन प्रतितोला ८ हजार रुपैयाँले बढ्यो, कतिमा हुँदैछ कारोबार ?

काठमाडौं । नेपाली बजारमा आज सुनको मूल्यमा उच्च वृद्धि भएको छ। एकैदिन प्रतितोला ८ हजार रुपैयाँले बढ्दै सुनको मूल्य नयाँ उचाइमा पुगेको हो। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ९६ हजार रुपैयाँ कायम भएको छ।

यससँगै १० ग्राम सुनको मूल्य पनि बढेर २ लाख ५३ हजार ७ सय ७० रुपैयाँ पुगेको छ। बुधबार सुनको मूल्य प्रतितोला २ लाख ८८ हजार रुपैयाँमा कारोबार भएको थियो ।

यता, चाँदीको मूल्यमा पनि सामान्य वृद्धि भएको छ। आज चाँदी प्रतितोला ९५ रुपैयाँले बढेर ४ हजार ५ सय ७० रुपैयाँ पुगेको महासंघले जनाएको छ। बुधबार चाँदीको मूल्य प्रतितोला ४ हजार ४ सय ७५ रुपैयाँमा कारोबार भएको थियो ।

अन्तर्राष्ट्रिय बजारमा सुनको मूल्यमा भएको वृद्धि र विनिमय दरमा आएको उतारचढावको प्रभावका कारण नेपाली बजारमा पनि सुनको मूल्य उल्लेख्य रूपमा बढेको व्यवसायीहरूको भनाइ छ।