त्रिवि क्रिकेट मैदानमा चलिरहेको नेपाल, नेदरल्यान्ड्स र मलेसियाको त्रिदेशीय शृंखलामै कुशलले डेब्यू गरेका थिए। उनले पहिलो खेलमा नेदरल्यान्ड्सविरुद्ध ६२ रन बनाएका थिए। जसमा उनले ५ छक्का र ५ चौका प्रहार गरेका थिए। उनी डेब्यू खेलमै ‘प्लेयर अफ द म्याच’ भएका थिए। त्यस्तै, मलेसियासँगको दोस्रो खेलमा पनि उनले अर्धशतक हानेका थिए। उनले ४१ बल खेल्दै ६१ रन प्रहार गरेका थिए। जसमा उनका ५ छक्का र ३ चोका थिए।
यसैगरी त्रिकोणात्मक शृंखलाको तेस्रो खेलमा नेदरल्यान्ड्सविरुद्ध ६२ रन बनाएका थिए। ४६ बल खेलेका उनले १ छक्का र ८ चौका प्रहार गरेका थिए। यो शृंखलाको चौथो खेलमा मलेसियाविरुद्ध १६ रनमा आउट भएका उनले आज नेदरल्यान्ड्सविरुद्धको खेलमा अर्धशतक प्रहार गर्न पुगेका हुन्। आजको फाइनल खेलमा उनले ५३ बलमा ७७ रन बनाएका हुन्। जसमा उनका ३ छक्का र ८ चौका समावेश छन्।
