काठमाडौं । नेपालमा पछिल्लो २४ घण्टामा १ हजार ६ सय जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार ८ हजार १३२ जनामा गरिएको परीक्षणमा १ हजार ६०३ जनामा संक्रमण देखिएको हो ।
मन्त्रालयका अनुसार ४ हजार ८७६ जनामा आरटी पीसीआर र ३ हजार २५६ जनामा एन्टिजेन परीक्षण गरिएको थियो । यसमध्ये पीसीआरबाट १ हजार ४२ र एन्टिजेनबाट ५६१ जनामा संक्रमण पुष्टि भएको हो ।
सोही अवधिमा नेपालमा थप २७ जना कोरोना संक्रमितको ज्यान गएको छ । योसँगै कोरोना संक्रमणबाट ज्यान गुमाउनेको संख्या ९ हजार २२५ पुगेको छ । हाल देशभर ९ जिल्लामा ५ सय भन्दा बढी संक्रिय संक्रमित रहेका छन् ।
