हामीले जस्तो खाना खान्छौँ, हामी त्यस्तै हुन्छौँ भन्ने अङ्ग्रेजी भनाई छ । यसले हामीले खाएको खानाले हामीलाई प्रत्यक्ष असर गर्छ भन्ने भाव बोक्छ । हाम्रा पुर्खादेखि हालका विशेषज्ञहरु पनि स्वास्थ्य रहन स्वास्थ्य खाना जरुरी छ भन्दै आइरहेका छन् । त्यस्तै, अध्यनहरुले खानाको सम्बन्ध मस्तिष्कसँग जोडिएको हुन्छ भन्ने पुष्टि गरेको छ । आज हामी रिस नियन्त्रण गर्न ठोस सहयोग पुर्याउने केही खानेकुराको चर्चा गर्नेछौँ ।
१. नरिवल
नरिवलको अतिरिक्त म्याग्नेसियमले निद्रा बढाउँछ र दिमागलाई शान्त बनाउँछ । यसले ग्लुकोजको मात्रा पनि कम गरी तनावलाई कम गर्छ । जसकारण दिमाग शान्त हुन्छ ।
२. सुन्तला
सुन्तलामा भिटामिन सी, फाइबर र क्यारोटिनोइड्स जस्ता केही एन्टिअक्सिडेन्ट हुन्छन् । जसले डोपामाइनलाई बढाउँछ र मुड स्विङलाई नियन्त्रण गर्छ । यसले शरीरमा पानीको मात्रा पनि बढाउँछ र यसको स्वादले रिस कम गर्न मद्दत गर्छ ।
३. हरियो सागसब्जी
हरियो सागसब्जीमा भएको एन्टिअक्सिडेन्टले मुडलाई शान्त बनाउँछ । त्यस्तै, यसमा पाइने पोषक तत्वले चिन्ता कम गर्न र मांसपेशीलाई आराम दिन सहयोग पुर्याउँछ । रिस उठ्दा मटर, काँक्रा र हरियो सागपात खाँदा रिस कम हुन्छ ।
४.ओमेगा-३ पाइने खानेकुरा
ओमेगा-३ फ्याटी एसिडको मात्रा धेरै भए डिप्रेसनसँग लड्न मद्दत पुग्छ । जुन फ्ल्याक्ससिड, चिया सिड र ओखरमा पाइन्छ । त्यस्तै, बदाम, काजू र पास्ता जस्ता चीज पनि खान सकिन्छ । यसले शरीरमा ओमेगा–३ फ्याटी एसिड बढाउँछ र रिस नियन्त्रण गर्छ ।
५. भिटामिन ‘डी’युक्त खानेकुरा
भिटामिन ‘डी’ युक्त खानेकुरा, जस्तैः माछा, अण्डाको पहेंलो भाग र च्याउ खाँदा रिस नियन्त्रणमा मद्दत पुग्छ । डाक्टरको सल्लाह अनुसार सप्लिमेन्ट पनि लिन सकिन्छ ।
