किन लामखुट्टेले महिलाभन्दा बढी पुरुषलाई टोक्छ? जान्नुहोस्..

लामखुट्टेले महिलाको तुलनामा पुरुषलाई टोक्ने सम्भावना बढी भएको एउटा नयाँ अध्ययनले जनाएको छ ।

पुरुषको शरीरको आकारले उनीहरु लामखुट्टेको शिकार हुन पुगेको अध्यनले उल्लेख गरेको छ । लामखुट्टेलाई ठूला शरिर भएका व्यक्तिले बढी आकर्षित गर्छ । उनीहरूको अधिक सापेक्षिक ताप वा कार्बन डाइअक्साइडका कारण लामखुट्टेलाई बढी आकर्षित गर्ने जनाइएको छ ।

यसअघि, लामखुट्टे पुरुषभन्दा महिलाप्रति बढी आकर्षित हुने विश्वास थियो । त्यस्तै, सन् २००० मा ल्यान्सेटले गरेको अध्ययनमा अन्य महिलाभन्दा गर्भवती महिलाप्रति लामखुट्टे बढी आकर्षित हुने निस्कर्ष थियो । जसमा गर्भवती महिलाले श्वसमार्फत अधिक मात्रामा कार्बन डाइअक्साइड फाल्ने र शरीरको ताप उच्च भएको कारण लामखुट्टेले सजिलै पत्ता लगाउने उल्लेख थियो ।

लामखुट्टेले मानिसलाई बाहिर निस्कँदा र पसिना आउँदा बढी टोक्छ । यसमा, न्यूयोर्कको एलर्जी एण्ड अस्थमा केयरका डा. क्लिफर्ड डब्ल्यु बससेटले कार्बन डाइअक्साइडका अतिरिक्त ल्याक्टिक एसिड पनि लामखुट्टेलाई आकर्षण गर्ने तत्व रहेको जनाए ।