काठमाडौं । प्रदेश १ सरकारको आन्तरिक मामिला तथा कानून मन्त्रालयले सप्तकोसी नदीमा आएको बाढी पीडितका लागि राहत सामग्री को छ ।

बुधवार सप्तकोसी नदीले पुरानै धारमा फर्किएर उदयपुरको बेलका नगरपालिकाका ५ वटा वडाको मानव वस्तीमा क्षती पुर्‍याएको छ । जसकारण १५ सय घरपरिवार विस्थापित भएका छन् । सरकारले विस्थापितलाई उद्धार गरेर सुरक्षित स्थानमा सारिसकेको छ । त्यस्तै, पीडितका लागि मन्त्रालयले खाद्यान्नलगायत राहत सामग्री पठाइसकेको मन्त्री केदार कार्कीले जनाएका छन् । उनलेृ भने, ‘हामी यहाँका नागरिकलाई खानले मर्न दिन्नौँ, सरकार उद्धार र राहतको काममा जुटिरहेको छ ।’

बुधवार सरकारी संयन्त्रलाई परिचालित गराई प्रदेश सरकारका आन्तरिक मामिला तथा कानूनमन्त्री केदार कार्की, सडक पूर्वाधार तथा सहरी विकास मन्त्री हिमाल कार्की, सुनसरी, उदयपुर, मोरङका प्रमुख जिल्ला अधिकारी, स्थानीय जनप्रतिनिधिलगायत उक्त स्थलमा उपस्थित भएर उद्धार गरेका थिए ।