रु रु जलबिद्युतको १० प्रतिशत लाभांश घोषणा

काठमाडौ । रुरु जलविद्युत परियोजना लिमिटेडले गत आर्थिक वर्षका लागि साढे १० प्रतिशत लाभांश बाढ्ने भएको छ। कम्पनीले गत आवको नाफाबाट कायम चुक्ता पुँजीको १० प्रतिशत बोनस सेयर र ०।५३ प्रतिशत नगद वितरण गर्ने जनाएको छ। हाल कम्पनीको चुक्ता पुँजी ४४ करोड ८४ लाख रुपैयाँ छ। यसको १० प्रतिशत बोनस दिँदा चुम्ता पुँजी ४९ करोड ३२ लाख रुपैयाँ पुग्नेछ।

लाभांशको विशेष प्रस्ताव पारित गर्न कम्पनीले कात्तिक ४ गते साधारण सभा डाकेको छ। सभा बानेश्वर ब्याङकेटमा हुने कम्पनीले जनाएको छ। सधैंका सामान्य एजेन्डा बाहेक सभाले लाभांशको विशेष प्रस्तावलाई अनुमोदन गर्नेछ। कम्पनीका अनुसार साधारण सभा तथा लाभांश वितरणको विशेष प्रयोजनका लागि कम्पनिले असोज २७ गते बुक क्लोज हुनेछ।

असोज २६ गतेसम्म कायम सेयरधनीहरुले साधारण सभामा भाग लिन र प्रस्तावित लाभांश पाउनेछन्।