माघ पूर्णिमाको दिन गर्नुहोस् यी कार्य, भगवान विष्णुको कृपाले हराउनेछ सबै दु:ख कष्ट

एजेन्सी । धार्मिक मान्यता अनुसार यस दिन सबै देवी देवता स्वर्गबाट ​​पृथ्वीमा आएर गंगामा स्नान गर्ने गर्दछन् । यसै कारण यस दिन पवित्र नदीहरूमा स्नान गर्नु धेरै शुभ मानिन्छ । यस वर्ष माघ पूर्णिमा माघ २२ गते आइतबार परेको छ ।

यस दिन धेरै शुभ संयोग पनि बन्न थालेका छन् । त्यसैले यस माघ पूर्णिमामा दानको विशेष फल मिल्नेछ । हिन्दु धर्म शास्त्रमा सबै पूर्णिमाको विशेष महत्व रहेको पाइन्छ । तर माघ महिनाको पूर्णिमालाई विशेष फलदायी मानिएको छ ।

माघ पूर्णिमाको महत्व
पौराणिक ग्रन्थहरुमा माघ पूर्णिमाको विशेष महत्व उल्लेख गरिएको छ । माघ पूर्णिमाका दिन देवताहरू स्वयम् पृथ्वीमा आएर गंगामा स्नान गर्ने जनविश्वास छ । त्यसैगरी प्रयागराजमा एक महिनासम्म कल्पवास गर्ने भक्तजनले माघ पूर्णिमाका दिन समापन गर्छन् ।

माघ पूर्णिमाका दिन कल्पवास गर्ने सबै भक्तजनले गंगामैयाको पूजा गर्ने जनविश्वास रहेको छ । त्यसपछि सन्त र ब्राह्मणहरूलाई आदरपूर्वक भोजन चढाउँछन् । माघ पूर्णिमाको दिन गंगा स्नान गर्नाले जीवनका सबै कष्ट हट्ने जनविश्वास पनि छ । दुख, पीडा र रोगबाट मुक्ति मिल्नेछ ।

माघ पूर्णिमाको दिन गर्नुस् यी कार्य
माघ पूर्णिमाका दिन पवित्र नदी र तालमा स्नानको विशेष महत्व मानिन्छ । तर यदि तपाईं यी पवित्र नदीहरूमा नुहाउन सक्नुहुन्न भने, नुहाउने पानीमा गंगाजलको केही थोपा मिसाएर यो पानीले घरमा नुहाउनुहोस् । यसो गर्नाले मानिसको धेरै जन्मको पाप नष्ट हुन्छ ।

यस दिन भगवान सत्यनारायणको पूजा–आराधना गर्ने गरिन्छ । यस दिन भगवान विष्णु र लक्ष्मीको पूजा आराधनाको विशेष महत्व रहेको जनविश्वास रहेको छ । पूर्णिमाको दिन पूजा गर्नाले भगवानको कृपा सदैव रहन्छ ।

यसका साथै यस दिन पूजाघरमा घ्यूको अविच्छिन्न दियो बाल्नु पर्दछ । यसो गर्नु सबै हिसाबले शुभ र फलदायी मानिन्छ । माघ पूर्णिमाका दिन पिपलको रुखमा लक्ष्मीको आगमन भएको मानिन्छ । त्यसैले यस दिन पिपलको रुखमा जल चढाएर घ्यूको दियो बाल्नुहोस् ।

यस दिन पितृलाई दान पनि गर्न सकिन्छ । यसो गर्नाले पितृको कृपा प्राप्त हुन्छ । यस दिन पूजापाठ गरि गरिबलाई दान गर्नु पनि धेरै फलदायी मानिन्छ । धार्मिक ग्रन्थका अनुसार यस दिन गरिब तथा विपन्नलाई तिल, कम्बल, घिउ, फलफूल आदि वस्तु दान गर्नुपर्छ ।