एजेन्सी । साताको सात दिनमध्ये सोमबार भोलेनाथको पूजा गर्ने गरिन्छ । देशैभर हिन्दु धर्ममा आस्था राख्ने महादेवका भक्तहरुको लामो लाइन लागेको छ । हरेक मानिस भगवानको पूजा गरेर आशीर्वाद प्राप्त गर्न चाहन्छन् ।

यसका लागि धेरै मानिसहरूले आफ्नो घरमा भगवान शंकरको धेरै प्रकारका चित्र र मूर्तिहरू ल्याउँछन् र विधि विधान अनुसार पूजा गरेर प्रसन्न हुन्छन् । तर, घरमा कस्तो किसिमको मुर्ति राख्नुपर्छ र कस्तो किसिमको मुर्ति राख्नु हुँदैन भन्ने विषयमा थप जानकारी दिन गइरहेका छौं ।

धार्मिक मान्यता अनुसार घरमा ध्यानको मुद्रामा महादेवको मूर्ति राख्नु शुभ मानिन्छ । यो मूर्तिलाई बालबालिकाको अध्ययन कक्षमा पनि राख्न सक्नुहुन्छ । यसले बालबालिकामा एकाग्रता बढ्नेछ र पढाइमा ध्यान दिन सक्षम हुनेछ ।

शिव परिवारको तस्वीर
घरमा शिव परिवारको उपस्थिति परिवारका सदस्यहरूको लागि धेरै लाभदायक मानिन्छ । शिव परिवारलाई पूजा घरमा राख्नाले परिवारका सदस्यहरूबीच आपसी प्रेम बढ्छ र महाकाल पनि प्रसन्न हुन्छन् । त्यसैले आफ्नो पूजा घरमा शिव परिवारको मूर्ति राख्नुपर्छ ।

शिवको अर्धनारीश्वर मूर्ति
धार्मिक मान्यता अनुसार जुन घरमा महादेवको अर्धनारीश्वर अवतारको मूर्ति राखिन्छ, पति–पत्नीको जीवनमा कठिनाइ हुँदैन । आपसी प्रेम कायम रहन्छ र दाम्पत्य जीवन सुखमय बित्छ ।

यस्तो तस्बिर गल्तीले पनि नराख्नुहोस्
धार्मिक मान्यता अनुसार घरमा क्रोधित वा ताण्डवको मूर्ति वा महादेवको तस्विर राख्नु हुँदैन । यसले घरमा तनावको वातावरण सिर्जना गर्न सक्छ । घरमा अशान्ति हुने भएकाले भगवान शिवको नटराज अवतारको मूर्तिलाई घरमा राख्न नहुने जनविश्वास रहेको छ ।

भोलेनाथले समय समयमा आवश्यकता अनुसार धेरै अवतार लिएका छन्, जसमध्ये एक महादेवको उग्र रूप भैरव हो । धार्मिक मान्यता अनुसार घरमा उग्र रुपको शिवको मूर्ति स्थापना गरे घरको वातावरण तनाब र अशान्तिले भरिपूर्ण हुने गर्दछ ।