असोज २७ देखि कार्तिक ३ गतेसम्म कस्तो रहला त तपाईको भाग्य, हेर्नुहोस् राशिफल

मेष (चु, चे, चो, ला, लि, लु, ले, लो, अ)
साताको सुरुका दिनमा फजुल खर्चले चिन्ता बढाउने र बेसुरमा वचन दिने बानीले अप्ठ्यारो पार्न सक्छ । गरेका कार्यमा अवरोध र ढिलासुस्ती हुनेछ । साताको मध्यमा शुभ समाचार सुन्न पाइनेछ । छोटो समयमा विशेष उपलब्धि हासिल गर्न सकिनेछ । रोकिएका काम पुनः सुरु हुन सक्छन्, तर सामान्य स्वास्थ्य समस्याले सताउन सक्छ ।

वृष ( इ, उ, ए, ओ, वा, वि, वु, वे, वो )
यो साता मित्र जनको साथ सहयोगले उल्लेख्य कार्य सम्पादन हुनेछ । राजनीतिक कार्यमा ख्याति कमाउने योग छ । वैदेशिक क्षेत्रको काम अघि बढ्नेछ । व्यापार व्यवसायमा वृद्धि हुनुका साथै आम्दानीका स्रोत पनि बढ्नेछन् । साताको अन्त्यमा ताके अनुरूप काम नबन्नाले दिक्क लाग्नसक्छ । शेयर बजारमा नोक्सानी बेहोर्नु पर्नेछ ।

मिथुन (का, कि, कु, घ, ङ, छ, के, को, हा)
यो साता केही कुराले गर्दा मनमा अशान्ति र छटपटी व्याप्त हुनसक्छ । बेला बेलामा मनमा चिन्ता, दुबिधा, मनमा अशान्ति तथा चञ्चलता आउन सक्छ । परिवारका लागि धेरै समय दिन पाइने छैन । जिम्मेवारीपूर्वक गरेको काममा समस्या आउन सक्छ, संयम रहनु होला । मध्य सातामा चिताएको कामले तीव्रता लिनेछ । एउटै कामबाट दोहोरो लाभ मिल्न सक्छ ।

कर्कट (हि, हु, हे, हो, डा, डि, डु, डे, डो)
यो साता नयाँ काममा जुट्ने समय छ । बन्धु बान्धवबाट सहयोग मिल्नेछ । पारिवारिक सद्भाव पनि बढ्नेछ । मित्रजनबाट साथ सहयोग मिल्ने देखिन्छ मन लोभ्याउने पहिरनले अरूको नजर आफूमाथि पार्नेछ । रमाइलो यात्राको योग रहेको छ । सञ्चार माध्यमबाट शुभ समाचार प्राप्त हुनेछ । प्रेमीले नयाँ स्थानको भ्रमण गर्ने प्रस्ताव राख्न सक्छन् ।

सिंह (मा, मि, मु, मे, मो, टा, टि, टु, टे)
यो साता स्थानान्तरण र टाढाको यात्राको सम्भावना छ । मन मिल्ने साथीको सहयोग र हौसला मिल्नेछ । भौतिक साधन जुटाउने समय छ । पारिवारिक प्रेम र सद्भाव बढेर जानेछ । धर्म कर्म तथा समाज सेवामा मन पनि लाग्नेछ । आफूसँग भएको क्षमता प्रदर्शन गर्ने अवसर जुट्ला । सहयोगी हातहरू अघि बढ्नेछन् । रमाइलो यात्राको योग रहेको छ ।

कन्या (टो, पा, पि, पु, ष, ण, ठ, पे, पो)
यो साता बुद्धिको उपयोग गर्दा जटिल ठानिएको कार्य सम्पादन हुनेछ । दाम्पत्य जीवन सुखद तथा समृद्ध बन्ने देखिन्छ । सामाजिक कार्यमा रुचि जाग्नुका साथै यात्राको योग पनि देखिन्छ । कहीं कतैबाट धनलाभ हुने देखिन्छ । साताको मध्यमा ताके अनुरूप काम नबन्नाले दिक्क लाग्नसक्छ । दबाब र तनाव बढेको महसुस हुनेछ ।

तुला (रा, रि, रु, रे, रो, ता, ति, तु, ते)
यो साता मिश्रित रहनेछ । समय व्यवस्थापन गर्न गारो पर्नेछ । आफन्तसँग मनमुटाव बढ्ला । पढाइ लेखाइमा पनि ध्यान दिन नसकिएला । झुटा आरोप आईपर्दा समस्या खेप्नुपर्नेछ । मध्य सातामा मित्रजनको साथ र सहयोगमा उल्लेख्य कार्य सम्पादन हुनेछ । सामाजिक पद प्रतिष्ठा प्राप्त हुने देखिन्छ । विभिन्न कार्यक्रममा नेतृत्वदायक भूमिका निर्वाह गर्न पाइनेछ ।

वृश्चिक (तो, ना, नि, नु, ने, नो, या, यि, यु)
यो साता पर्यटकीय स्थलको भ्रमणले मन लोभ्याउनेछ । खर्च बढेपनि आम्दानी भन्दा खर्च बढी हुने छैन । मनोरञ्जनमा सहभागिता भइएला । विशेष यज्ञयागादि तथा धार्मिक कृत्यमा सहभागीको अवसर मिल्नेछ । शेयर बजारमा गरेको लगानीले पछि राम्रै लाभ दिनेछ । जग्गा जमिनको कारोबारमा राम्रो प्रतिफल आउन सक्छ ।

धनु (ये, यो, भा, भि, भु, धा, फा, ढा, भे)
यो साता स्थान परिवर्तनका विशेष योग देखिन्छन् । नयाँ ठाउँमा घुमफिर र मन्दिर दर्शनको योजना बन्नेछ । आफन्त वा नजिकको व्यक्तिको सहयोगबाट अधुरा कार्यले गति लिनेछ । आम्दानी बढ्ने र उठ्नुपर्ने रकम हात लागी हुने समय छ । साताको अन्त्यमा महत्त्वपूर्ण अवसर गुम्न सक्नेछ । यात्रामा सावधानी पनि अपनाउनु पर्नेछ ।

मकर (भो,जा,जि,जु,जे,जो,ख,खि,खु,खे,खो,गा,गि)
यो साता मन पर्ने वस्त्र, अलंकार आदि उपहार पाइने योग छ । स्वादिष्ट भोजनको आनन्द समेत पाइएला । सामाजिक मान प्रतिष्ठा मिल्नुका साथै पारिवारिक सुख पनि मिल्नेछ । ठूला व्यक्तिले तपाईँका मेहनतको प्रशंसा गर्नेछन् । इच्छा र आकाङ्क्षा पूर्ण हुन सक्छ । परिश्रम अनुसार उपलब्धि पनि राम्रै पाइनेछ । बन्द व्यापार र पेसा व्यवसायका क्षेत्रमा विशेष लाभ हुने देखिन्छ ।

कुम्भ (गु, गे, गो, सा, सि, सु, से, सो, दा)
यो साता राज्यबाट दण्ड तथा जरिवाना हुन सक्छ । यात्रा गर्दा पनि सावधानी अपनाउनु पर्नेछ । विश्वास गरेकाले त्यति साथ नदेलान् । विचार पुर्याएर निर्णय लिनु राम्रो होला । सोमबारबाट पर्यटकीय स्थलको भ्रमणले मन लोभ्याउनेछ । । लामो यात्रा सुखद् र सफल हुनेछ । धर्म कर्म तथा समाजसेवामा मन लाग्नेछ । भौतिक सुविधाका साधन खरिद गर्ने अवसर पनि जुट्न सक्छ ।

मीन (दि, दु, थ, झ, ञ, दे, दो, चा, चि)
यो साता शुभ चिन्तकहरूले पूर्ण समर्थन प्रदान गर्नेछन् । चलाखीपूर्ण बोलीले कार्य सफल हुन सक्छ । रमणीय र सुखद् यात्राको योग छ । धनार्जनका नयाँ स्रोतहरू पत्ता लाग्नेछन् । व्यापार व्यवसायमा उन्नति हुनुका साथै आर्थिक वृद्धि हुने देखिन्छ । वैदेशिक क्षेत्रको काम पनि अघि बढ्नेछ, तर विश्वासपात्रलाई वचन दिँदा संयमता अपनाउनुहोला ।