काठमाडौं । सामाजिक सञ्जालमा चर्चामा आइरहने धरानका मेयर हर्क साम्पाङले नयाँ पार्टी खोल्ने सङ्केत दिएका छन् । त्यही संकेत दिँदै उनले आफ्नो धारणा सार्वजनिक गरेका छन् ।
आज बिहान सामाजिक सञ्जालमा अन्तिम पटक पार्टी खोल्ने चर्चा गर्दै उनले त्यसपछि कुनै पार्टी खोलिरहन नपर्ने समेत उल्लेख गरेका छन् ।
‘अब यो देशमा अन्तिम चोटि ‘फाइनल’ पार्टी खोलिनेछ! त्यसपछि कुनै पार्टी खोलिरहन पर्ने औचित्य रहने छैन हर्कले सामाजिक सञ्जालमा लेखेका छन्, ,‘फुल एन्ड फाइनल भर्सन अफ पोलिटिक्स!।’
आइतबार बिहान ८ बजेतिर उनले यो धारणा राख्दै गर्दा एक घण्टाको अवधिमा झन्डै २ हजार प्रतिक्रिया आएका छन् । जसमा कतिपयले हर्कले बढी बोल्न थालेको भन्दै आलोचना गरेका छन् भने कतिपयले भने नयाँ पार्टीलाई शुभकामना दिएका छन् ।
